Dag og Tid-quizen 21. juni 2024

1. Den største norske medaljefangsten i eit friidretts-EM kom i 2024. Gullvinnarane var Karsten Warholm, Jakob Ingebrigtsen og kva tredje person?

2. Kva øy er med god margin den mest folkerike i Middelhavet?

3. Dette dyret har vurderinga «høg risiko» på Framandartslista. I jaktåret 2022–2023 vart det skote 425 av dei i Noreg, dei fleste i Halden og Aremark. Kva art er det, som kan verte over 200 kilogram?

4. I bridge er grand å spele utan … kva?

5. Kva veg var det Fridtjof Nansens ekspedisjon kryssa Grønland i 1888–1889?

6. Kva matematisk symbol får du ved kombinasjonen Shift + 5 på eit vanleg tastatur?

7. Adam Smith gav ut hovudverket Wealth of Nations (førsteutgåva) i kva kjent år i verdshistoria?

8. Kva er i genetikken det motsette av adjektivet dominant?

9. Kva internasjonalt organ med 15 medlemsland vedtok 10. juni ein resolusjon for å stanse krigen i Gaza?

10. Johannes Paul 2. var den første ikkje-italienske paven sidan 1523. Kva var heimlandet hans?

11. Kva svensk kvinneklesbutikkjede med over 100 butikkar i Norden vart starta i 1997 og har hovudkontor i Borås? Grunnleggjarane heiter Annette og Jörgen Appelqvist, men det er eit anna fornamn som inngår i kjedenamnet.

12. I kva operette er tittelpersonen den styrtrike Hanna Glawari, som nyss har mista ektemannen sin?

13. Kva for eit museum held til i Milnbrygga, ein kvit trebygning i Kristiansund? Bygningen vart nytta til det som museet handlar om.

14. Fruktkjøtet til ein pitahaya, også kalla dragefrukt, er anten raudt, gult eller i kva tredje farge?

15. England har vunne fotball-VM for menn éin gong, i 1966. Kva vart sluttstillinga i finalen?

16. Kva er Noregs største fylke i areal? Det vart danna i 2020 og er størst frå og med 2024.

17. Kven av USAs presidentar er den einaste som vart vald inn frå Pennsylvania, og den einaste som var ungkar heile livet?

18. Dei kinesiske munkane Faxian (400-talet) og Xuanzang (600-talet) er båe kjende for å ha reist ut og samla skrifter om kva isme, som dei tok med tilbake til Kina?

19. Kva er det vanlegaste norske bartreet der nålene sit tre og tre stykke i kransar?

20. Kva Flåklypa-figur er både sjåfør, livvakt og meieriassistent?

21. Kva slags bygning i Montreux i Sveits brann i 1971, noko som vart til «Smoke on the Water», signatursongen til Deep Purple?