Dag og Tid-quizen 27. mars 2026

1. Set inn rett omgrep: Affeksjonsverdi er tidenes første norske (…) som har fått Oscarprisen.

2. Kva film om Thor Heyerdahl var den første norske filmen som fekk Oscarprisen?

3. Kvar leidde Thor Heyerdahl to utgravingar i 1983–84, etter å ha fått fotografi av ein ukjend steinstatue? Den største byen ligg omtrent på koordinatane 4 grader nord og 73 grader aust.

4. Kva slags stein er «Monolitten» laga av?

5. Sjokoladane Monolit og Troika liknar. Båe har indre lag med gelé, marsipan og kva meir?

6. Kva var det tre av i ein russisk troika? Her viser ordet til eit framkomstmiddel utvikla på 1600-talet.

7. Troikaen som utmanøvrerte Lev Trotskij, var Josef Stalin og to andre. Dei to gjekk snart imot Stalin. Båe vart avretta 25. august 1936 under Moskvaprosessane. Kva heitte dei?

8. Kva for eit av desse er ikkje eit slavisk språk? 

9. Jan-Krzysztof Duda er ein polsk sjakkstormeister. Kva er han for tidlegare president Andrzej Duda med tanke på slekt?

10. Dei beste norske fotballklubbane i Meisterligaen (menn og kvinner) er Bodø/Glimt, Kolbotn, Rosenborg og Trondheims-Ørn. Kva for to av dei har vore i semifinale?

11. Kva for eit land har kronregalia sine utstilte i slottet Rosenborg?

12. Dei norske kronregalia er i Erkebispegården i Trondheim. Både kongen og dronninga har eiga krone, septer og kva annan gjenstand?

13. Kva er (i norsk historie) den mest kjende datoen då Johan Nordahl Brun var biskop i Bjørgvin?

14. Kva Bergen-prest er aktuell med både Kompani Lauritzen og boka En god tro? Undertittelen er For deg som ønsker å tro – eller som vil bli inspirert i troen.

15. Kva vanleg interiørkjede i Noreg er dansk og har namn etter dei fiktive syskena Anna og Clara? Kundane følgjer ein trasé gjennom butikken.

16. Kven har heitt både Anna, Elvira og Solveig i norsk omsetjing? Ho bur utanfor Andeby og er normalt ikkje omtalt med fornamn.

17. Kva fornamn manglar her i kvinnegalleriet til Lou Bega i hiten «Mambo No. 5»: Angela, Erica, (...), Mary, Monica, Pamela, Rita, Sandra, Tina?

18. Guinness’ rekordbok anerkjenner svart mamba som verdas raskaste slange på land. Kva er toppfarten (over korte distansar)?

19. For kva sjukdom fekk ein i 2025 den første godkjende vaksinen for nyfødde og spedbarn? Han er frå sveitsiske Novartis og trengst mest i Afrika.

20. Kva afrikansk hovudstad vert på norsk også kalla Kappstaden?

21. Ligg Kapp på rett eller feil side av Mjøsa, om du spør Vazelina Bilopphøggers?