Dag og Tid-quizen 13. februar 2026

1. Fullfør med to ord: Også kronprinsparet i 2001 lova kvarandre truskap i gode og …

2. Kva heiter 25-årsbryllaupsdag?

3. Kva metallisk grunnstoff har atomnummeret 25 og herding av stål som fremste bruksområde? Den viktigaste naturlege kjelda er mineralet pyrolusitt, som ikkje finst drivverdig i Noreg.

4. I ernæring viser mineral til grunnstoff me treng i større mengder. Kva heiter motstykket, grunnstoffa me treng i mindre mengder?

5. Kva var etternamnet til brørne Richard og Maurice som i 1940 opna eit utsal der ernæringa er så som så? Det første i Noreg kom i 1983.

6. Kva musikkgruppe danna av tre brør Gibb song mellom anna «Stayin’ Alive»?

7. Songen «Stayin’ Alive» er ein vanleg hugseregel for frekvensen til kva slags kompresjonar?

8. Kva av desse kan ein kompressor bidra med til sykkeldekka: lapping, montering eller pumping?

9. Ein kompressor har ofte to trykkmålarar. Kva heiter ein trykkmålar for væsker og gassar?

10. Kva var den første typen barometer (lufttrykkmålar)? Oppfinnaren var Evangelista Torricelli i Firenze i 1643.

12. Kva sport er nykommaren i vinter-OL i Milano/Cortina i år? Arrangørstaden er vel å merke Bormio, som også har alpint for menn. Dei norske deltakarane er Ida Waldal, Hans-Inge Klette og Trym Dalset Lødøen.

13. Kva for ei Ida, fødd i Trondheim i 1985, har handballgull frå EM, VM og OL?

14. I kva for eit hundreår vart Kristiansten festning i Trondheim oppført, på ordre frå kongen han har namn etter? Fleire utvidingar følgde.

15. Kva heiter kystfestningen utanfor Helsinki som står på Unescos verdsarvliste?

16. Kva for to amerikansk-sovjetiske nedrustingsavtalar starta med forhandlingar i Helsinki i 1969? Me skal fram til ei felles forkorting.

17. Kven av astronautane i den første månelandinga – Neil Armstrong, Buzz Aldrin og Michael Collins – er i live?

18. Fullfør namnet på braksuksessen til Johan Harstad (2005): Buzz Aldrin, hvor ble det av deg i alt …

19. I kva roman med handling utanfor Cuba endar hovudpersonen opp med eit marlinskjelett, etter at haiane tok resten?

20. Cubanske Celia Cruz vart kjend som «dronninga av …» kva dans og musikkform?

21. The Secret Agent er ein av konkurrentane til Affeksjonsverdi om Oscar for beste film. Kva latinamerikansk land er han mest knytt til i handling og produksjon?