ქუიზი მომზადებულია ''სამოქალაქო საზოგადოების განვითარების ცენტრის'' ტრანზიტული საგანმანათლებლო პროგრამის ფარგლებში

ავტორი: სპეციალური მასწავლებელი, მაია ასლანიშვილი

თემა:     მწერები

ფუტკარი

     ფუტკარი უნიკალური სასარგებლო მწერია, მიეკუთვნება სიფრიფანაფრთიანთა რაზმს; აქვს ნესტარი; აგროვებს ყვავილის ნექტარს და აკეთებს თაფლს; თაფლიც და ფუტკრის  შხამიც სამკურნალო საშუალებებია,   ადამიანისთვის  არაერთი  სარგებელი  მოაქვს. ისინი  გვაწვდიან თაფლს, ცვილს, დინდგელს (პროპილისი)... მაგრამ როგორც სპეციალისტებმა გაარკვიეს, ჩვენს  ცხოვრებაში  ამ მწერის  არსებობა  გაცილებით  მნიშვნელოვანია, ვიდრე წარმოგვიდგენია. თუ ფუტკრები  გადაშენდებიან, ჩვენი  ცხოვრება   რადიკალურად   შეიცვლება.
            ფუტკრები  მთავარი    მწერები   არიან, რომლებსაც  მცენარეების დამტვერვის პროცესში დიდი  წვლილი   მიუძღვით. ისინი მრავალი მცენარის ზრდას უწყობენ ხელს. ეს  მწერები  საშუალებას  გვაძლევენ, ვისუნთქოთ.

 ფუტკრის ოჯახში ცხოვრობენ; დედა, მამა  და მუშა ფუტკრები; დედა ფუტკარი კვერცხებს დებს; მამა ფუტკარს მხოლოდ განაყოფიერების ფუნქცია აკისრია.

 

 

 

ასო-ბგერა ,,ფ“-ს გაცნობა და გამოსახვა.

 

 

კოღო

 

 კოღოს -  სისხლისმსმელი მწერის ნაკბენისაგან გამოწვეული მტანჯველი ქავილი ყველას გამოგვიცდია.    გთავაზობთ  საინტერესო  ფაქტებს  კოღოების  შესახებ:

1. მხოლოდ მდედრი კოღო იკბინება.     მხოლოდ მდედრი კოღო იკბინება, რადგან კვერცხების დასადებად მას თქვენს სისხლში არსებული პროტეინი  სჭირდება.
2. მსოფლიოში კოღოების 3 500 სახეობა არსებობს.

    3.მალარიის  დაავადება მხოლოდ ერთ სახეობას გადააქვს.

4. არ აქვთ კბილები.კბილების   ნაცვლად   კოღოებს   აქვთ  გრძელი  ხორთუმი, რომლის დახმარებითაც  ხილ-ბოსტნეულის წვენსა და ცხოველების სისხლს მადიანად   მიირთმევენ.

    5.საკუთარ   წონაზე    გაცილებით  მეტი სისხლის დალევა   შეუძლიათ.

 

 

 

6. კოღოები არ ავრცელებენ   აივინფექციას.

მართალია  კოღოებს რამდენიმე დაავადებისა თუ ვირუსის გადატანა შეუძლიათ  მაგრამ, არა  აივინფექციის, რადგან  მათი  კუჭი აღნიშნულს უპრობლემოდ   ინელებს.

7. 300-მდე კვერცხს   დებს.

ერთი   მდედრი    დაახლოებით   სამასამდე   კვერცხს   დებს, ეს   ძირითადად   წყლის    ზედაპირზე    ხდება    ხოლმე.

8. სიცოცხლის პირველ 10 დღეს წყალზე ატარებს.
9. მდედრი კოღოები გაცილებით დიდხანს ცოცხლობენ. მამრი კოღოს სიცოცხლის ხანგრძლივობა  სულ  რაღაც 10 დღეა, თუმცა  მდედრის  სიცოცხლის  უნარიანობა  გაცილებით  დიდია და ის 6 თვის  მანძილზე   ცოცხლობს.
10. არასდროს არ მიფრინავენ შორ  მანძილზე.

კოღოებს  არ  უყვართ შორ მანძილებზე  ფრენა, თუმცა  არსებობს  სახეობები, რომლებიც მშობლიურ ტერიტორიებს ათობით კოლომეტრითაც კი   შეიძლება   გაცდნენ.

11. კოღოები დინოზავრების დროსაც   არსებობდნენ.
12. კოღოს ნერწყვი ალერგიის   მიზეზი  შეიძლება გახდეს.

კოღოს  კბენის შემდეგ ზოგ  ადამიანს  სურდო  თუ  სხვა  გაციების  ნიშნები ეწყება,  რაც იმის   ბრალია, რომ  კოღოს  ნერწყვი   ალერგიას  იწვევს.

13. კოღოები ერთ-ერთი ყველაზე მომაკვდინებელი   არსებები  არიან.

კაცობრიობისათვის    კოღოები   ერთ-ერთი    ყველაზე  საშიში არსებები არიან, მათ  ანგარიშზე   მილიონობით  ადამიანის  სიცოცხლის   მოსპობაა, რასაც    სხეულში   არსებული    დაავადებებითა და   ვირუსებით იწვევდნენ, მათ შორის  ყველაზე  დიდი და  დღემდე გადაუჭრელი  პრობლემა  მალარიის    გადამტანი   კოღოები   არიან.

 

ჭიანჭველა

     ჭიანჭველები ჯგუფურად ცხოვრობენ: ზოგი-დედა, ზოგი - მამა,  ზოგი - მუშა, ზოგი მეომარი და მონადირე; ყველას თავისი საქმე აქვს, ამიტომ ისინი შეთანხმებულად ცხოვრობენ; მათ შუბლზე მოძრავი  ანტენები აქვთ, რის საშუალებითაც ყველაფერს ეხებიან და ყნოსავენ; მხედველობა სუსტად აქვთ განვითარებული, სძინავთ მხოლოდ სამ საათს.  ჭიანჭველა ძალიან მშრომელი მწერია, ისინი საცხოვრებელს მიწაში იკეთებენ, შეუძლიათ თავისზე ორჯერ მეტი ტვირთის  აწევა. ჭიანჭველა სასარგებლო მწერიცაა, რადგან ისინი მიწას აფხვიერებენ და ხელს უწყობენ მცენარის თესლის გადატანა/ გავრცელებას. .

 

 

ჭიამაია

ჭიამაია-არის ხოჭოების ოჯახიდან. გავრცელებულია მთელს მსოფლიოში; მას აქვს ამობურცული მომრგვალო სხეული ზურგზე შავი ლაქებით.