Toets jou musiekkennis!

Verlede jaar het ’n sangeres se musiektoer die rekord opgestel vir die toer wat die meeste geld verdien het in Amerika – ’n allemintige R2,8 miljard! Wie is dié sangeres?

Watter plaaslike rapper is verantwoordelik vir die Afrikaanse liedjie Arend, wat gereeld in die telenovela Arendsvlei op kykNET & kie gehoor word?

Die Amerikaanse rapper Post Malone se aanhangers is gaande oor sy nuwe enkelsnit, Sunflower, saam met Swae Lee. Op die klankbaan van watter fliek, wat onlangs ’n Golden Globe losgeslaan het, is dié trefferliedjie?

Die plaaslike sangeres Holly Rey het ons omtrent laat dans met haar wegholtreffer wat nou nog op plaaslike trefferlyste boer. Wat is die naam van dié gewilde liedjie?

Ariana Grande se uitmaakliedjie Thank U, Next, was ’n reusetreffer. Die musiekvideo is al meer as 250 miljoen keer op YouTube gekyk. Watter bekende ma maak ’n gasverskyning aan die einde van dié musiekvideo?

Watter liedjie het vanjaar die Golden Globe vir die beste oorspronklike liedjie in ’n fliek gewen?

Watter kinderliedjie wat in 2016 uitgereik is en verlede jaar soos ’n veldbrand aanlyn versprei het, het vroeër vandeesmaand die top-40 op die Amerikaanse Billboard Hot 100 gehaal toe dit ’n debuut op no. 32 maak?