Dag og Tid-quizen 19. april 2024

1. Kva for eit verb på p kjem via fransk frå latin for «stele menneske»? Både Sandra Borch og Ingvild Kjerkol kan vere hint.

2. Kva kjem først i skiskyting, uansett øving: liggjande eller ståande?

3. Kva heiter den historiske perioden som Attila og hunarane var sentrale i å utløyse? Ei avgrensing er cirka 375 til 550 etter Kristus.

4. Kva er kleinspitz, som stammar frå Tyskland? Eitt ord held som svar.

5. Dag og Tid har ei av dei ti avisteikningane i årets utstilling på Stortinget, signert May Linn Clement. Kva nobelføredragshaldar er motivet?

6. Om lag kor mange menneske bur fast på Finse?

7. Kva for eit omgrep hos Immanuel Kant var det han gav fleire definisjonar, med universallovsformuleringa og humanitetsformuleringa som dei mest kjende?

8. Kva for ein av desse har smultringform?

9. Butikken Sex låg i London og var kortliva, men er kjend fordi Vivienne Westwood gav punken eit visuelt uttrykk her. I kva for år fanst han?

10. I kva film, etter ein roman av Vikas Swarup, vinn Jamal 20 millionar rupi når han gjettar rett på det siste spørsmålet?

11. Ein annan med rett svar er tryslingen som nyss vann «Der Quiz-Champion», det største spørjeprogrammet på tysk fjernsyn. Kva for ein Thomas er det? Han er Noregs mest meritterte quizsportutøvar.

12. Mangel på vitamin B1 kan gje kva sjukdom, som har eit namn frå singalesisk?

13. Kva heiter (på norsk) talet som er 10 opphøgd i 21.?

14. Kva for eit ord skal inn i Jesus-sitatet: «Om nokon slår deg på høgre (…), så vend òg det andre til.»?

15. Ho vart fødd i Portugal i 1909, voks opp i Brasil, vart ein stor entertainer i Hollywood og døydde i 1955. Kva heitte denne sambaformidlaren, med ein ikonisk frukthatt?

16. Musselin er ein tynn tekstil med namn etter kva by?

17. Kva for eit land har blått flagg med fire kvite stjerner, ei for kvar av dei fire delstatane? Desse heiter Yap, Chuuk, Pohnpei og Kosrae.

18. Folkemordet i Namibia var frå omkring 1903 og 1908, utført av Tyskland. Kva heiter dei to folkegruppene som var offer?

19. Kven har komponert klaverstykket «Bryllupsdag på Troldhaugen», som du fort kan ha høyrt i ein vigsel?

20. Kva heiter den tredje av dei fem romferjene til Nasa, i drift frå 1984 til 2011? Atlantis hadde jomfrutur året etter, i 1985.

21. Herakles og Herkules er ekvivalente figurar. Fordel dei på gresk og romersk mytologi.