Huisgenoot-nuusvasvra: 19 Januarie 2020

Die akteur Theodore Jantjies het 7de Laan die afgelope week ná 14 jaar verlaat toe sy karakter oorlede is. Watter rol het Theodore in 7de Laan vertolk?

Gerugte loop sterk dat ’n vorige Mej. Heelal op Stellenbosch kom afhaak het. Wie is dit?

Met watter aktiwiteit hou mense regoor die wêreld hulle besig om die diere te help wat in die Australiese bosbrande beseer is?

Hoe lank was Enock Mpianzi, ’n seun van die Parktown Boys’ High School in Johannesburg, by ’n skoolkamp weg voor daar agtergekom is hy word vermis?

Na watter Proteaspeler is die afgelope naweek as ’n “proper Dutchman” verwys in die toets teen Engeland?

Die aktrise en komediant Margit Meyer-Rödenbeck het laat hoor haar bekende alter ego is op pad uit. Hoe heet dié alter ego?

Wat is die naam van die opspraakwekkende Eerstewêreldoorlog-fliek wat reeds ’n paar gesogte pryse ingeryg het, vir verskeie Oscars benoem is en die afgelope naweek in Suid-Afrika begin draai het?

Waar is ’n gesteelde skildery deur die Oostenrykse kunstenaar Gustav Klimt gevind 23 jaar nadat dit raaiselagtig uit ’n Italiaanse kunsgalery verdwyn het?