Dag og Tid-quizen 2. januar 2025

1. I 2026 vert det flytting til det nye regjeringskvartalet. Kva «bokstaveleg» namn har den største bygningen, som vil huse SMK, UD og KUD?

2. Kva for eit mannsnamn med nær 4000 norske berarar deler opphav med til dømes Per, Peter og Petter?

3. Kva for to brør kryssa målstreken saman og vann herreklassa i Skarverennet i 1991?

4. Set inn ordet som manglar i det fulle namnet: Universitetet i Tromsø – Noregs (…) universitet.

5. Kva er det Salomos ordtak 4,23 oppmodar til å ta vare på framfor alt – «for livet går ut frå det»?

6. Kva er Hemsil, godt synleg i landskapet i Hemsedal og Gol?

7. Kva heiter serveringsmåten der maten kjem ferdig ut på tallerkenen til kvar gjest? Han er oppkalla etter ein nasjonalitet.

8. I kva for eit fag er Aristoteles, Cicero og Quintilian rekna som dei fremste forfattarane frå antikken?

9. Kva er eg i ei Thorbjørn Egner-vise, sidan eg er fødd i Henningsvær?

10. Kva Oskar Braaten-stykke, om to jenter som kjem til Oslo, er ei dramatisering av hans eigen roman Bak høkerens disk? Urpremieren var i 1927 på Det Norske Teatret, med Ragnhild Hald i tittelrolla.

11. Kor mange centimeter – deleleg med 3 – er ei typisk fotlengde for personar med skostorleik 42?

12. Kva for eit ord kan ha desse tydingane: 1) oppbyggjeleg helgenforteljing, 2) fantastisk, utruleg forteljing, 3) randskrift på medalje eller liknande, 4) person som er beundra?

13. I kva for eit rike var Ustad Mansur ein sentral hoffmålar? Han er kjend for naturmotiv, til dømes verket «Sebra».

14. Ariana Grande har hatt mange hits sidan 2013. Ein av dei heiter «No Tears Left to …».

15. Kva vart skapt av ein russar på 1800-talet etter at mange hadde prøvd, som tyskaren Döbereiner, franskmannen De Chancourtois, briten Newlands og tyskaren Meyer?

16. Kva amerikanar, som har spelt i mellom anna Mary Poppins, runda 100 år like før årsskiftet?

17. Er slekta seder bartre eller lauvtre?

18. Når eksisterte Folkeforbundet, forløparen til FN?

19. Kva i olympiske leikar svarar til dei tre agitos i paralympiske leikar?

20. I kva for eit land ligg byane Tsjojbalsan og Khovd høvesvis 10 og 20 timars bilkøyring aust og vest frå hovudstaden?

21. Kva risikabel og sjeldan operasjon – rundt 30 i året i Noreg – må kronprinsesse Mette-Marit bu seg på?