Dag og Tid-quizen 14. juni 2024

1. Norske smågnagarar vert delte inn i langhalemus og korthalemus. Kva gruppe høyrer husmusa til?

2. Dag Erik Pedersen hadde lenge den beste norske samanlagtplasseringa i eit Grand Tour. Det var tiandeplass i kva for eit sykkelritt?

3. Urinnbyggjarane i Australia er øyfolk i Torressundet og kva anna gruppe folk?

4. Kva er det Jarlsberg-ost produsert på Nærbø og i Verdal er fri for, til forskjell frå den i Elnesvågen?

5. I kva roman er hovudpersonen Sofie Ramm, yngstesystera som vert pressa til giftarmål, ho òg?

6. Robert Falcon Scott nådde Sørpolen den 17. dagen i kva månad og år? Roald Amundsen slo han med 34 dagar.

7. I samband med Språkrådet tyder dette verbet på n «fastsetje kva som er gjeldande rettskriving». Kva verb?

8. I balletten Svanesjøen har Odette og Odile kvar sin farge. Kva farge har Odile?

9. Ein relasjonsdatabase har data organiserte som rader i tabellar. Kva er det klart mest nytta programmeringsspråket til dette? Ei spørjing kan til dømes ha kommandoane SELECT, FROM og WHERE.

10. Kva for ein Lågen renn gjennom Rollag kommune?

11. Paolo Veronese fullførte eit hovudverk i 1563, eit stort måleri av kva for eit bryllaup?

12. Kven har i år som 39-åring vorte leiar av Den Norske Nobelkomité, den yngste nokon gong? Han var dagleg leiar for Utøya i fleire år etter 22. juli.

13. Kva av Alaska, Kaspihavet og Madagaskar er klart størst, over fire gonger Noregs areal?

14. Kva gamalt filosofisk omgrep – på gresk arete – er det motsette av last?

15. I ein song av Di Derre endar «danseskolens minstemann» opp i kva dans saman med Gunn?

16. Kva folkerikt land, der omkring ti kvinner vert drepne kvar dag, har nyss valt sin første kvinnelege president? Det er klimaforskaren Claudia Sheinbaum.

17. Før Zsa Zsa Gabor emigrerte til stjernelivet i Hollywood, vart ho i 1936 den åttande vinnaren av ... kva?

18. Faren vann OL-gull i diskos i 2000 og 2004. I april slo sonen den 37 år gamle verdsrekorden i øvinga. Kva heiter desse to utøvarane?

19. Merkur sin er særs tynn. Hos Venus og Mars er han nesten rein karbondioksid. Kva er det tale om?

20. I kva krig var Tjukke-Bertha eit kjent våpen? Haubitsen hadde eit kaliber på heile 42 centimeter.

21. Dette rektangulære trafikkskiltet med blå botn finst i fleire variantar. Motivet er i utgangspunktet ein raud og kvit figur ganske lik bokstaven T. Kva skilt?