Dag og Tid-quizen 20. juni 2025

1. Kva politisk parti, skipa i 1923, stiller berre éi liste til stortingsvalet i haust? Det er i Vest-Agder.

2. I kva hovudstad ligg Den forbodne byen? Keisarpalasskomplekset er på nesten éin kvadratkilometer.

3. Martin Luther offentleggjorde dei 95 tesane sine. Ifølgje tradisjonen spikra han dei på kva slags dør?

4. Kva er namn på både ei sentral tekstsamling hos mayafolket k'iche' og eit tysk krautrock-band stifta i 1969? Eit band med Jahn Teigen heitte òg dette, men måtte skifte namn.

5. Kva person er veska Hermès Kelly oppkalla etter?

6. Kva av desse er eit synonym for det nynorske adjektivet fræv?

7. Kva tilnamn har hendinga i 1807 som drog Danmark-Noreg inn i Napoleonskrigane på fransk side? Åstaden var København, og britiske styrkar stod bak.

8. Den engelske komikaren Ricky Gervais slo gjennom i 2001 med kva situasjonskomedie?

9. Kva for noko i kroppen er det matvarer med høg glykemisk indeks får til å stige raskt?

10. Herresinglefinalen i årets French Open vart tidenes lengste – og ein av dei beste. Det stod 2–0 til Jannik Sinner. Korleis enda kampen (stilling og vinnar)?

11. Kva for eit yrke er tyske Anne-Sophie Mutter (fødd 1963) ein verdsleiande utøvar av? Ho vel ofte skulderfrie, stroppelause ballkjolar som ein del av uttrykket.

12. På kva øygruppe lever elefantskjelpaddene?

13. Kva spanjol er det mange kunsthistorikarar kallar den siste gamle meisteren og den første modernisten? Han levde frå 1746 til 1828.

14. Kva heiter islamsk lov? Dette er ikkje ei spesifikk lovsamling, men ein mangfaldig tradisjon.

15. Den eldste teikninga me kjenner, er eit raudt mønster på ein stein funnen i Blombos-hola i Sør-Afrika. Om lag kor gamal er ho?

16. Kva norsk idrettslandslag hadde kapteinskifte i 2003 mellom to gjøvikensarar?

17. Kva kvit art i korgplantefamilien er eit utbreidd symbol for Alpane?

18. Kva for ei Hermine var ein sentral forfattar då sjangeren ungpikebøker slo gjennom i Noreg rundt 1890? Det var med bøkene om Tulla. Hint: Hermine døydde på Voss. Både kunstnarektemannen, spelemannssonen og skodespelarbarnebarnet er vel så kjende.

19. Rams opp dei tre fargane i Estlands flagg ovanfrå.

20. Noregs største isbre (utanom Antarktis) smelta rekordmykje i fjor. Kva heiter han? Førsteleddet fortel kvar på Nordaustlandet på Svalbard han ligg.

21. Kor mykje må ein fotgjengar eller syklist betale for dei 35 minuttane på Bastøferja?