Dag og Tid-quizen 17. januar 2025

1. I kva konkurranse er Kowalczyk, Johaug, Cologna og Klæbo dei med flest samanlagtsigrar, fire kvar? Dei to nylegaste kom i 2025.

2. Kva konfektmasse med rista mandlar finst i brun og kvit utgåve? Namnet tyder nøtt.

3. Kva av desse ligg ikkje i Bergen sentrum: Griegakademiet, Grieghallen eller Troldhaugen?

4. Sorter desse organa frå øvst til nedst: hjartet, levra, magesekken.

5. Kva for eit rike fall formelt i år 476? For kvarmannsen heldt mykje fram som før. Ei himmelretning må med som presisjon.

6. Kva for eit forlag, stifta i 1868, gjev ut litteratur på nynorsk og norske målføre?

7. Den nye NRK-suksessen Familien Nerdrum går tett på Odd med familie. Kva isme er den store, stygge ulven hos dei? Eit døme er sitatet «[…] vi har en fiende, og det er …».

8. Kva står T-en i T-bane for?

9. Kva kan ha utformingar som «cutaway», «turndown» og «button down»?

10. Richard Dawkins (fødd i 1941) er den mest kjende representanten for nyateismen. Kva er faget hans?

11. Den største motdebattanten til Dawkins er truleg ein Oxford-kollega. Matematikkprofessoren har lenge vore ein tilsvarande leiarskikkelse i kristent trusforsvar. Kva heiter han (fødd i 1943)?

12. Kva slags regjering er dette dei fem siste døma på i Noreg: Willoch inntil 1983, Brundtland II, Brundtland III, Jagland og Stoltenberg I?

13. Ein farge og ein delstat utgjer namnet på ein Elvis-filmmusikal frå 1961. Kva er tittelen?

14. I kva for eit hundreår kom misjonæren Hans Egede til Grønland? Ein reknar dette som starten på den dansk-norske koloniseringa av øya.

15. Kari Simonsen var først ut (1975). Seinare har Grethe Kausland, Kari-Ann Grønsund og Pia Borgli gjort det same. Kva då?

16. Kva forfattargruppe på 1500-talet vart leidd av Pierre de Ronsard? Dei var sentrale i å gjere det franske språket meir høgverdig. Det ligg i namnet at dei var sju stykke.

17. Både 10- og 20-kronaren har kong Harald på framsida. Kva side av hovudet ser me: høgre eller venstre?

18. Kven leidde protestaksjonen saltmarsjen i 1930, der dei gjekk nesten 400 kilometer?

19. Elva Driva møter havet nedst i kva dal på Nordmøre? Dalen gjev òg namn til den aktuelle fjorden, øyra og kommunen.

20. Kva kampsport utanom fekting har vore med i moderne sommar-OL sidan starten?

21. Amsterdam og Baku er dei to hovudstadene som ligg lågast. Sei ei høgd i spennet mellom dei.