Dag og Tid-quizen 20. desember 2024

1. Etter 13 år med krig fall Assad-regimet 8. desember då opprørsstyrkane tok kva hovudstad?

2. Kva matvare er, reint botanisk, frøet i frukta til treet Prunus dulcis? I jula kan det vanke premie dersom du finn ein slik.

3. Kva geografisk område viser den første bokstaven i flyselskapet SAS til?

4. John Donne skreiv på 1600-talet at «No man is …» dette. Eit dikt av Tarjei Vesaas heiter derimot «Kvart menneske er …» dette. Kva er dette?

5. Kan ein setje sjakkmatt dersom brikkene på brettet er to kongar og ein løpar?

6. Kva 87-åring er den mest kjende personen som voks opp i Tuengen allé 1B på Vinderen i Oslo? Det gule funkishuset har vore utstilt på Maihaugen på Lillehammer sidan 2018.

7. Kva bygning i Paris vart påbyrja i 1163, brann i 2019, men er no rekonstruert og opna på nytt?

8. Dei fleste i «den stille generasjonen» vart fødde i kva for eit tiår? Mange vart oppdregne til å synast, men ikkje høyrast.

9. Dette ordet på s kan vise til ulike plater. Den eine pussar treverk, den andre skrapar lêr på sko, den tredje skrapar av skismurning. Kva ord?

10. Kva for eit messingblåseinstrument har namn frå italiensk for «stor trompet»?

11. Kva heiter den største og mest folkerike øya i Filippinane? Hovudstaden Manila ligg her.

12. Kva sentralt ord i Matteusevangeliets forteljing om Jesu fødsel heiter frankincense i engelske omsetjingar?

13. Stortinget har nyss flytta grensa for sjølvvald abort frå veke 12 til kva anna veke?

14. Kva keisar stod bak den siste store kristenforfølginga i Romarriket? Dette var tidleg på 300-talet, og Sankta Lucia var eit av offera.

15. Er Bykle kommune ein del av Nord-Noreg, Trøndelag, Vestlandet, Sørlandet eller Austlandet?

16. I kva månad har den sørlege halvkula vintersolkverv?

17. Fleire amerikanarar på 1800-talet medverka til å utforme Santa Claus. Haddon Sundblom tok det vidare på 1900-talet, hyra av kva for eit selskap?

18. Kva for eit lag har i 2024 tangert rekorden for flest cupmeisterskap i norsk herrefotball?

19. Kjøtfrie alternativ kan ha kreative namn. Kva er namn på ei erstatning for medisterkake?

20. Er håret til teikneseriefiguren Smørbukk brunt, grått, gult, raudt eller svart?

21. Kva film har ein ridande sluttscene medan me høyrer Karel Gott synge «Kdepak ty ptáčku hnízdo máš»?