Dag og Tid-quizen 22. mars 2024

1. Me startar i vedskjulet. Kva fleirtydig ord kan vere eit rommål på 2,4 kubikkmeter, men òg til dømes noko det er godt å kvile i?

2. Kva er det svenske svaret på Melodi Grand Prix, som Marcus & Martinus no har vunne?

3. Kva heiter Belgias viktigaste kystby? På norsk nyttar me gjerne stavemåten med to like forbokstavar.

4. Er karbon eit metall, halvmetall eller ikkje-metall?

5. I kva tidsrom på elleve år var Margaret Thatcher britisk statsminister?

6. Kva kjend forfattar kunne ikkje nytte venstrehanda etter å ha vorte skoten då han slost mot osmanane? Det var i slaget ved Lepanto i 1571.

7. Dei danske talorda tres og firs viser til høvesvis tre og fire kva?

8. Kva heiter den siste delen av tynntarmen, den som kjem etter tolvfingertarmen og tomtarmen?

9. I kva for eit land er fotballspelaren Sam Kerr den store helten på kvinnelandslaget?

10. Me skal fram til ein 73 meter lang og 20 meter høg statue. Herifrå kan du sjå Kheopspyramiden til høgre, Khefrenpyramiden i midten og Mykerinospyramiden til venstre.

11. Med Sverige på plass er Nato oppe i kor mange medlemsland?

12. Kva omskolert utgåve av Dynamitt-Harry er det Olsenbanden sprengjer Verdsbanken saman med, ifølgje tittelen på den niande filmen?

13. Kva slags køyretøy har førarkortklassen AM 147, maksfart på 45 km/t og kjende merke som Ligier og Chatenet?

14. Kva forkorting på fem bokstavar har FNs organisasjon for palestinske flyktningar i Midtausten? Dei er sentrale og hardt prøvde no i Gaza.

15. Kva planteart lagar ein tequila av?

16. Kva for ein Lars (1840–1910) er det Norsk biografisk leksikon kallar «husmannsgutten og soningsfangen som ble verdenskjent misjonær blant santalfolket i India»? Santalmisjonen er i dag ein del av Normisjon.

17. I kva sport er Taiho Koki ei legende? Han var aktiv rundt 1960-åra og hadde ein kroppsmasse på rundt 150 kg.

18. Kva song med assosiasjonar til 14. februar vart ein signaturlåt for jazzmusikaren Chet Baker?

19. Kva mytologisk tvillingpar var det Leto fødde på øya Delos?

20. Agdenes fyr, som var i drift i nesten 200 år, er ei vanleg vestleg avgrensing av kva fjord?

21. Kva agdenesing, som òg skriv for Dag og Tid, er aktuell med Den kortaste historia om Tyskland – frå år 9 til no? Ho har skrive fleire bøker om landet.