நமது ஆனந்த விகடன் பற்றி உங்களுக்கு எவ்வளவு தெரியும்?

ஆனந்த விகடன் தொடங்கப்பட்டது எந்த ஆண்டு, எந்த மாதம்?

சினிமாவுக்கு விகடன் மார்க் கொடுப்பது இன்று உலகத்துக்கே தெரிந்த விஷயம். விகடன் முதன்முதலாக மதிப்பெண் கொடுத்து விமர்சனம் வெளியிட்டது, எந்த ஆண்டு, எந்தத் திரைப்படத்துக்கு?

அந்தக் காலத்தில் பட்டிதொட்டியெங்கும் பிரபலமானது ஒரு சினிமா பாடல். பாட்டு வாத்தியார் தன் மாணவியிடம் அந்தப் பாட்டைத் தனக்குக் கற்றுக் கொடுக்கச் சொல்லிக் கேட்பதுபோல், அட்டைப் படத்தில் ஒரு ஜோக் வெளியிட்டது ஆனந்த விகடன். அது என்ன பாடல்?

1963-ம் ஆண்டு ஆனந்த விகடனில் வெளியான ஒரு தொடர்கதையின் பெயர் ‘என் கண்ணில் பாவை அன்றோ…’. இதை எழுதிய எழுத்தாளர் யார்?

கவிஞர் வாலி, 1995-ம் ஆண்டு ஆனந்த விகடனில் முதன்முதலில் புராண காவியம் ஒன்றைப் புதுக்கவிதையில் எழுதத் தொடங்குகிறார். அதன் தலைப்பு என்ன?

ஆனந்த விகடனில் 1946-ம் ஆண்டு, எழுத்தாளர் லக்ஷ்மி எழுதிய தொடர்கதை ஒன்று, 1963-ம் ஆண்டு சிவாஜிகணேசன், சரோஜாதேவி நடிப்பில் ‘இருவர் உள்ளம்’ என்ற தலைப்பில் திரைப்படமாக வெளியானது. லக்ஷ்மி எழுதிய தொடர்கதையின் தலைப்பு என்ன?

ஒரு திரைப்படம் உருவாகிக்கொண்டு இருக்கும்போதே, வாரந்தோறும் அந்த ஸ்டில்களோடு அதைத் தொடர்கதையாக வெளியிட்டுப் புதுமை செய்தது ஆனந்த விகடன். 1939-ம் ஆண்டு, கல்கி எழுதிய அந்தத் தொடர்கதையின் தலைப்பு என்ன?

ஆனந்த விகடன் முழுக்க முழுக்க இன்று நடைமுறையில் உள்ள சீர்திருத்த தமிழ் எழுத்துக்களில் வெளியாகத் தொடங்கியது எந்த இதழிலிருந்து?