Dag og Tid-quizen 15. mars 2024

1. Kor mange av dei fem nordiske landa er med i Nato, etter at Sverige vart medlem 7. mars?

2. Kva heiter gasslaget i stratosfæren som vernar jorda mot mykje av UV-strålinga frå sola?

3. Kva slags matvare er kallenamn på skulpturen «Cloud Gate»? Han er ein kjend attraksjon i Chicago, laga av Anish Kapoor.

4. Kva kvinne, som kanskje levde på 900-talet, ser me i kommunevåpenet til Stad?

5. Kven eller kva er det forbode å «lokke til seg, forfølge eller ved annen handling oppsøke», ifølgje svalbardmiljøloven?

6. Utanfor kva bygning, som opna i 1910, står Matt Busby og fleire andre legender på sokkel?

7. Kva latinsk uttrykk vert omsett til «tida flyg»?

8. Kva er det første du trillar etter i (heilt) tvungen yatzy?

9. Oppenheimer fekk som venta flest prisar – sju stykk – under Oscar-utdelinga for 2023. Ein av dei gjekk til Robert Downey Jr. Kva kategori er det?

10. Kva finsk by er vidkjend for operafestivalen sin? Han vert arrangert i mellomalderslottet Olavinlinna.

11. Kva slags fylling treng du når hòlet i tanna går heilt inn til pulpa dentis, tannmergen?

12. Under kva for eit døypenamn vart gjennombrotslåtane «Fru Johnsen» og «Romeo & Julie» gjevne ut?

13. Den mest nytta bibelteksten i Noreg, Bibel 2011, har no fått revideringa Bibel 2024. Kva organisasjon står bak?

14. Assyria fall kort tid etter at den siste store kongen døydde omkring 630 før Kristus. Kva heitte han?

15. Er skalet på ei pasjonsfrukt mjukt eller hardt?

16. Kva stilling hadde Nicolai Rygg i det lange tidsrommet 1920–1946?

17. Det finst fem land der det høgaste fjellet er på 7000-talet (i meter over havet). Desse er Kasakhstan, Kirgisistan, Afghanistan, Tadsjikistan og kva for eit siste land, som ikkje sluttar på -stan?

18. Når i 1994 var OL på Lillehammer?

19. Kva for eit av fabeldyra einhyrning, griff og kentaur kan flyge?

20. Daddelvedtak er sjeldne, men to av dagens norske partileiarar er blant dei som har opplevd det. Kven av desse fekk det først?

21. Kva kjend roman, som kom i bokform i 1873, har originaltittelen Le Tour du monde en quatre-vingts jours?