Dag og Tid-quizen 27. juni 2025

1. Byen Natanz er sentral i konflikten mellom Iran og Israel. Det er her Iran rikjer opp mest av kva for eit grunnstoff?

2. Har Iran og Israel noko felles naboland?

3. Kva kallast bilete av døde eller urørlege gjenstandar, til dømes måleri av frukt?

4. Kva er fornamnet til den eldste og mest fornuftige av systrene i Småfrøkner av Louisa May Alcott? Dei yngre er Jo, Beth og Amy. I filmen frå 2019 vert ho spelt av Emma Watson.

5. Kva er nasjonaledelsteinen i Australia? Landet har lenge dominert verdsproduksjonen, med over 90 prosent.

6. Kva engelsk rockeband er best kjent for hiten «A Whiter Shade of Pale» frå 1967?

7. Edith Södergran vart berre 31 år, men er like fullt ein populær lyrikar. Når levde ho?

8. Kva slags himmellekam er Ceres definert som sidan 2006? Før dette hadde ho merkelappen asteroide.

9. Det japanske populærkulturfenomenet kawaii dyrkar eit spesielt uttrykk. Kva adjektiv på tre bokstavar kan me omsetje omgrepet til?

10. Kva er naudnummeret til politiet i Noreg?

11. Kva trondheimar fødd i 1960 var lenge målvakt for Rosenborg og landslaget, hos sistnemnde ofte på benken for Erik Thorstvedt? Han fekk òg mange år som assistenttrenar for båe laga.

12. Kva heiter den felles minnedagen 29. juni for martyria til Peter og Paulus? Det hyppigaste primstavmerket er nøkkel.

13. Kva song om ein hest har tekst av Nordahl Rolfsen og melodi av Edvard Grieg?

14. Kva blå til fiolett art frå det sørlege Afrika, ein vanleg prydplante i Noreg, har liten, toflika overleppe og stor, treflika underleppe?

15. I kva uvanleg friidrettsøving sette Karsten Warholm ny verdsbestenotering på årets Bislett Games? Tida var 32,67.

16. Kven vart oppsynsmann for Royal Mint i London i 1696 og avslørte mange falskmyntnarar? Særleg kjend er William Chaloner, hengd i 1699.

17. Kva kjemisk sambinding er arvestoffet som finst i nesten alle celler?

18. Kva by husar både Luftfartstilsynet, Norsk Luftfartsmuseum og Luftforsvarsmuseet? Dei to siste er samlokaliserte.

19. I juni har kongeparet for første gong vitja kva aude øy, som høyrer til Svalbard?

20. Kva fisk heiter herring på engelsk?

21. I 1992 vart Algeries president, Mohammad Boudiaf, drepen i borgarkrigen. Kva heiter etterfølgjaren, som sat til 1994? Namnet kan føre tankane til gruff.