Dag og Tid-quizen 5. april 2024

1. Me startar hos André Bjerke. Kva heiter landet der Farao var på ferie hos farmora og mormora?

2. Kva for eit slag, gjerne datert til 1274 før Kristus, er kanskje det største nokosinne med hestevogner? Farao Ramses 2. slost mot hettittane ved ein syrisk oldtidsby.

3. Kva skal vere på minimum 10,2 prosent, ifølgje ferielova?

4. Kven var det felles barnebarnet til dronning Louise av Danmark og dronning Alexandra av Storbritannia? Dei var høvesvis farmora og mormora hans.

5. Kva slags marmor kler Operahuset i Bjørvika, med namn etter opphavsstaden?

6. Ei 15 år gamal geisha giftar seg med ein amerikansk marineoffiser, men vert forlaten og tek livet sitt. I kva opera er dette essensen?

7. Kva er den vanlegaste matretten å lage med Orkla-produktet Geisha?

8. Den største dokumenterte av dei som er tekne i elva Orkla, var 1,25 meter lang. Massen var 23,6 kilogram. Kva art er det tale om?

9. Kva skihoppar frå Hønefoss tok nyleg over verdsrekorden i skiflyging for kvinner?

10. I ein versjon er det Odin, Høne og Lodur som skaper denne duoen, i ein annan er det Odin, Vilje og Ve. Kva duo?

11. Simon & Garfunkel opnar songen «The Sound of Silence» med kva helsing på fem ord?

12. Mens du hviler og Lyden av stillhet er to av bøkene til kva svensk pastor (fødd i 1959)?

13. Amandaprisen, Bodilprisen og Guldbaggen er viktige filmprisar i Noreg, Danmark og Sverige. Sett grunnleggingsåra 1948, 1964 og 1985 i tilsvarende rekkefølgje.

14. Kva pris har gått til ein og same forfattar for Salige er de som tørster og Tolv utemte hester?

15. Er det lite tørste eller sterk tørste som er eit symptom på diabetes?

16. Eit av dei mest kjende dødsoffera til diabetes hadde godt over tusen patent i heimlandet USA. Kven er det (1847–1931)?

17. Kva heiter etaten som gjev rettar til patent, varemerke og design i Noreg? Direktøren heiter Kathrine Myhre.

18. Monopol kjem av dei greske orda monos og polein. Monos tyder åleine, einaste. Kva tyder verbet polein?

19. Kva by i New Jersey går ferda til dersom Monopol-spelet er originalutgåva til Parker Brothers frå 1935?

20. Etter 37 år har Viggo Valle no takka for seg i kva geografisk skattejakt på NRK?

21. Me skal nesten 70 grader nord for ekvator, til den alfabetisk første byen i Noreg. «Kor skal vi reis hen?»