Dag og Tid-quizen 27. september 2024

1. Kven er portrettert på ein ny statue i Midtre Gauldal kommune i Trøndelag? Skulptøren Merete Sejersted Bødtker møtte ho under arbeidet for å sjå skiteknikken på nært hald.

2. Kva europeisk øynasjon i Middelhavet ligg rundt 80 kilometer sør for Sicilia?

3. Kva for eit namn på k har læra om universet sett som ein heilskap?

4. Kva er gygrer i norrøn mytologi? Svar med to ord for å gje ein eksakt definisjon.

5. Jens K. Styve er best kjend for kva humoristisk nynorsk teikneserie om ein småbarnspappa frå bygda?

6. Kva for eit folkemord er det jødane kallar shoah – katastrofe på hebraisk?

7. Vokteren er ei ny realitysatsing på TV 2. Målet er Noregs nasjonalfjell, som ligg i Narvik kommune. Kva heiter det?

8. Denne krepsdyrarten er cirka 2 centimeter lang. Han er vanleg i Noreg, lever på botnen i ferskvatn og er viktig næring for fisk. Han har ein farge i namnet og vert òg kalla asell.

9. Kva heiter løpsdistansen 21,0975 kilometer?

10. Kven vart fødd i 1937 eit stykke utanfor Amsterdam og debuterte i 1964 med albumet Ballader och oförskämdheter?

11. På til dømes elgjakt og hjortejakt er talet 6,5 eit minstekrav. Kva tyder det? Svar med måleining og kva ein måler.

12. Kva veg går prisane over tid i ein deflasjon: opp eller ned?

13. Ein hemsko er ei hindring, både konkret og overført. Den første tydinga er ein kileforma kloss plassert framfor kva gjenstand?

14. Kva farge har dei fleste kaffibær, frukta som kaffibønnene er i?

15. Denne ismen har vorte kalla den første store moderne kunstrørsla utanfor Europa. Dei tre sentrale utøvarane var venstreradikalarane Rivera, Orozco og Siqueiros. Dei to orda i omgrepet handlar om nasjonalitet og materiale.

16. Tordenskjold vert rekna som Noregs største sjøkrigshelt. Kva krig var det i?

17. Frå den djupaste er fiolinstrengane stemde i G, D, A og kva fjerde tone?

18. Bruda har brudebukett. Kva heiter den tilsvarande dekorasjonen på dressen til brudgommen?

19. Fossilet Lucy vart funne i Etiopia i 1974. Ho er den mest kjende representanten for kva tidleg art i menneskets evolusjon? Her er svaret på latin.

20. Romanen Moby Dick kom ut midt i kva for eit hundreår?

21. Kva nyleg avdød sosialpsykolog og politikar har denne omtalen i Store norske leksikon: «norsk feminismes mest synlige ansikt gjennom annen halvdel av 1900-tallet»?