ქუიზი მომზადებულია „სამოქალაქო საზოგადოების განვითარების ცენტრის“ ტრანზიტული საგანმანათლებლო პროგრამის ფარგლებში
ავტორი: ტრენერი- სოფიკო გელიაშვილი
არავერბალური კომუნიკაცია
კომუნიკაცია არის ის უმნიშვნელოვანესი ცნება და მოვლენა, რომელიც ოდითგანვე ამყარებდა ადამიანების და არა მარტო მათ არსებობას.
ურთიერთობაში, უპირველეს ყოვლისა,მოიაზრება ვერბალური კომუნიკაცია, რომელიც ინფორმაციის სიტყვიერი გადაცემის გზაა, თუმცა, არანაკლებ დიდი მნიშვნელობა აქვს კომუნიკაციის არავერბალური სახეს, რომლის დროსაც ინფორმაცია გადაიცემა არა მეტყველებით, არამედ სხეულის ენით – სახის გამომეტყველებით, პოზით, ჟესტებით, მიმიკებით, თვალის კონტაქტით და სხვა.
იმისათვის, რომ კომუნიკაციის ორმხრივი პროცესი იყოს მაქსიმალურად ეფექტური, საჭიროა როგორც ვერბალური, ისე არავერბალური სიმბოლოების ერთმანეთის შეთავსებით გამოყენება, რადგან სიტყვების საშუალებით ჩამოყალიბებულ ლოგიკურ ინფორმაციას, ადეკვატური ჟესტიკულაცია და ხმის ტემბრი კიდევ უფრო ამყარებს.
არავერბალური კომუნიკაციების მნიშვნელობას არსებული სტატისტიკური მონაცემებიც ამყარებენ, მეტყველებით ინფორმაციის მხოლოდ 7 %-ის გადაცემა ხდება, ხოლო არავერბალური კომუნიკაციისას კი 92 %-ის . აქედან ჟესტებს, პოზას და სახის გამომეტყველებას დაახლოებით 55 % უჭირავს, 38 %-ს კი ხმის ინტონაცია და საუბრის ტემპი იკავებს.
არავერბალური კომუნიკაციების მთავარი დადებითი მხარე არის ის, რომ მსოფლიოში არსებობს უამრავი ენა, რომელზეც უამრავი ადამიანი საუბრობს, მაგრამ სხეულის ენა არის ის ერთადერთი ცნება, რომელიც გარკვეული ინდივიდუალური გამონაკლისების ჩათვლით, ყველა ადამიანს აერთიანებს და ეხმარება მათ ერთმანეთისა და საკუთარი „მე-ს“ პოვნაში.
