Huisgenoot-nuusvasvra: week van 15-21 Mei 2017

General Motors het aangekondig hulle onttrek uit Suid-Afrika. Watter motor is NIE ’n GM-motor nie?

Dit het die afgelope week aan die lig gekom dat boikotaksies veral sommige Spur-takke baie seergemaak het. Hoekom word die Spur deur sommiges geboikot?

Koning Willem-Alexander van die Nederlande het onthul dat hy in die geheim ’n ander beroep ook beoefen. Watter beroep?

In reaksie op die groot aantal vroue en kinders wat die afgelope twee weke aan die hand van mans dood is, het honderde mans Saterdag in Pretoria deelgeneem aan ’n optog teen geweld teenoor vroue en kinders. Wat is die naam van die optog?

Pres. Donald Trump het in ’n vergadering met Russiese amptenare geklassifiseerde inligting oor ISIS uitgeblaker. Watter land het dié inligting verskaf?

Die DJ Mandla Hlatshwayo is doodgeskiet terwyl hy probeer het om vroue te help wat aangeval word. In watter TV-reeks het hy bekendheid verwerf?

Vier mense is reeds dood ná die hernieude uitbraak van ’n gevreesde hemorragiese koors in die Demokratiese Republiek van die Kongo. Watter siekte is dit?

Die onderwerp van baie kultuurgrappies is die hoofkarakter in ’n fliek wat in Julie in SA uitgereik word. Wat is die naam van die karakter en die fliek?

Prins George en prinses Charlotte van Engeland was in die gevolg toe hul tant Pippa Saterdag getroud is. Hul pa, William, was self op sy dag ’n paar keer hofknapie, onder meer in matroosdrag by die 1986-troue van . . .

Theunis Botha het Vrydag die tweede beroepsjagter in ’n kort tyd geword wie se dood deur ’n wilde dier veroorsaak is. Wat het met hom gebeur?

Mense wat al musiek aflaai van lank voor iTunes bestaan het, voel nostalgies oor die nuus dat ’n geliefde elektroniese-lêer-formaat nou tot ’n einde gekom het. Watter formaat is dit?

Drie lede van die Durbanse Khan-gesin is steeds in die waakeenheid nadat ’n bom by hul huis in Berea afgelewer is. Hoe is die bom verskans?

€�n Bekende Suid-Afrikaanse popgroep het aangekondig hul paaie gaan skei. Wie is dit?