Dag og Tid-quizen 13. juni 2025

1. Kva stor ulukke i 1980 har Stortinget no vedteke erstatningsordning for, til overlevande og etterlatne?

2. Kva heiter den mest kjende allegorien hos Platon, ein illustrasjon av idélæra hans?

3. Kva kjennefarge har Central Line på T-banen i London? Det same gjeld ein annan, meir ikonisk del av trafikkbiletet der.

4. Kva er eit anna namn på bladgrønt, pigmentet som fangar solenergi i fotosyntesen?

5. Noregs Bank vart grunnlagd i kva for eit år som sluttar på 6?

6. Drikken lassi kjem frå det indiske subkontinentet. Kva er hovudingrediensen, forutan vatn? Ein har òg i fleire krydder.

7. Kva hovudstad ligg attmed grensa til to naboland – Austerrike i vest og Ungarn i sør?

8. Kva heiter dokumentet der del 1 skal vere i køyretøyet og del 2 ikkje skal det?

9. Prestedottera Friederike Brion har fått plass i litteraturhistoria på grunn av ei rekkje kjærleiksdikt skrivne av kven? Dei møttest i 1770, då sistnemnde var student i Strasbourg. Friederike vart aldri gift.

10. Paris Saint-Germain vann årets UEFA Champions League for menn, med rekordstor margin. Kva vart stillinga i finalen?

11. Kva stilling har Bergljot Webster, som ein av 20 i Noreg? Ho er blant dei som har sete lengst (sidan 2009).

12. Kva heiter styret til dei første fire kalifane etter Muhammed? Det vil seie Abu Bakr, Umar (Omar), Uthman (Othman) og Ali.

13. Kor mange fargar treng du maksimalt til eit kart for å unngå at to naboregionar har same farge? Dette heiter (…)fargeteoremet.

14. Kva for eit dyr er Babe, som gjerne vil verte sauegjetar i ein film frå 1995?

15. Kristne teologar vil kunne omtale Gud som omnipresent. Kva er eit meir kjent synonym?

16. «Ingen andre fotografar skildra Sør-Afrika under apartheid meir psykologisk gjennomtrengjande», står det i ei bok om fotografihistorie. Kva for ein David er det tale om?

17. Kva diagnose har Morten Harket nyss stått fram med? Han får støtte av Ivar Dyrhaug, som òg er råka.

18. I kva sport er argentinske Juan Manuel Fangio ein av dei fremste? Han vann fem verdsmeisterskapar, alle i 1950-åra.

19. Aksemaktene var primært Tyskland, Italia og kva for eit tredje land?

20. Kva for to ord skal inn her hos Aslaug Låstad Lygre: «Vi skal ikkje sova bort sumarnatta,/ ho er for ljos til det –/ Då skal vi vandra isaman ute/ under dei (…).»

21. Frå barndomsheimen hadde Rolv Wesenlund utsikt til Bastøferja. Kva by skal me til?