Dag og Tid-quizen 17. oktober 2025

1. Kva heiter den nye storhertugen av Luxembourg? Faren Henri – tremenning av kronprins Haakon – abdiserte 3. oktober.

2. Kva «stillferdig» namn har eit stativ med knaggar til yttertøy?

3. Kva praktisk objekt er det overraskande få av på offentlege stader i Japan, ikkje minst etter T-baneterroren i 1995?

4. Set inn rett ord: Me finn fotosyntese hos nesten alle plantar og (…) og hos somme bakterietypar.

5. Kven forsvann i tempelet som tolvåring, ifølgje Lukasevangeliet?

6. Kva gjer Platon med høgrehanda på måleriet «Skulen i Athen»?

7. Kva norsk fysikar (1862–1951) er i stor grad opphavet til moderne vêrvarsling?

8. Urfolket mixtek er blant dei eldste kulturane i heimlandet sitt. Kva land?

9. Kva er den bestemte artikkelen framfor tyske hankjønnsord i eintal (nominativ), til dømes Untergang?

10. Kva heiter den runde, majestetiske grensetoppen mellom Alvdal og Tynset, 1665 meter over havet?

11. Kva tsjekkisk opera på det globale standardrepertoaret minner om «Den vesle havfrua», men er mørkare?

12. Kva dyreart var nyleg avlidne Jane Goodall verdsleiande ekspert på?

13. Kva innanfor mat og drikke er den italienske storseljaren Peroni Nastro Azzurro?

14. Rams opp dei fire symjestilane i individuell medley-rekkjefølgje.

15. Filmane I’m Not There (2007), Rolling Thunder Revue (2019) og A Complete Unknown (2024) handlar alle om kva kjend person?

16. Kva for to krigar, omtala som «den første …» og «den andre …», var i 1894–1895 og 1937–1945?

17. Kva for to land, som grensar til kvarandre, er dei einaste med forbokstaven Z?

18. Dei romantiske poetane P.B. Shelley, John Keats og Lord Byron levde både kort og samtidig. Kva av desse er eit felles leveår?

19. Kva norsk selskap grunnlagt i 1993 har det fulle namnet (…) Air Shuttle ASA?

20. Fullfør namnet på den første YouTube-videoen: «Me at the (…)».

21. Kva norsk legende avslutta nyss boksekarrieren med siger mot slovenske Ema Kozin?