Dag og Tid-quizen 16. januar 2026

1. Ved kva institusjon var Sverre Anker Ousdal ein bauta, tilsett frå 1970 til 2014?

2. Ousdal var både fødd, oppvaksen og æresborgar i kva kommune, den vestlegaste på sørlandskysten? Byen heiter det same.

3. I kva delstat ligg Cape Prince of Wales, det vestlegaste fastlandspunktet på det amerikanske kontinentet?

4. Kva slags fuglehundar, med tanke på jaktform, er pointer og gordonsetter døme på?

5. Kva katolsk dødssynd er det Gordon Gekko lovprisar i det best kjende sitatet frå filmen Wall Street?

6. Kva slags krypdyr (underorden) er gekkoar, som tel rundt 1500 artar?

7. Kva må du oppnå for å vinne kortspelet krypkasino, motsett av vanleg kasino?

8. Kva stad i Kina har kallenamn som «Austens Las Vegas» og «verdas gamblinghovudstad»?

9. Den 1. januar gjekk Bulgaria over frå lev til kva annan valuta?

10. Kor mange og kva for kroppsdelar er i kontakt med golvet i øvinga bulgarsk utfall (ved éin repetisjon)?

11. Kva er det såkalla utfallsrommet når me kastar ein vanleg terning?

12. Cæsars borgarkrig starta visstnok med orda «Terningen er kasta» og ulovleg kryssing av kva grenseelv?

13. Cæsar siterte truleg «Terningen er kasta» frå skodespelet Arrephoros. Det er av kva stor gresk dramatikar, verksam rundt 300 før Kristus?

14. Sissel Kyrkjebø covra greske Nana Mouskouri med kva norskspråkleg suksess?

15. Fonoko, skipa i 1988, er den einaste samanslutninga av sitt slag i norsk musikkliv. Kva for tre ord står bokstavane for?

16. Kva er alltid likt når fleire ord er homofonar?

17. Tre afrikanarar hamna likt og delte toppskårartittelen i Premier League 2018–19, med 22 mål kvar: Mohamed Salah, Sadio Mané og ...

18. Kva rundt år er kalla «Afrikas år», særleg fordi 17 av landa vart sjølvstendige?

19. Kvinna på måleriet «Fridommen fører folket» held trikoloren i høgre handa og kva i den venstre?

20. Kva Paulus-brev opnar slik i kapittel 5: «Til fridom har Kristus frigjort oss. Stå difor støtt og lat ikkje nokon tvinga dykk inn att under slaveåket.»?

21. Kor mange bøtter ber ein helst om gongen med eit åk?