Dag og Tid-quizen 28. juni 2024

1. Kva isme, som Oslo og Bergen hadde frå før, er no innført i Trondheim? Kommunen har dimed fått byråd som må ha fleirtal i bystyret.

2. Kva kroppsdel var stor hos Louis Armstrong, jamfør kallenamnet Satchmo?

3. Under kva for eit namn kjenner me spanske José Victoriano González-Pérez, ein sentral målar i kubismen? Han levde i åra 1887–1927.

4. Smeltar ein fondyost som regel i raudvin eller kvitvin?

5. Sulitjelma Gruber i Nordland var i drift i over hundre år. Kva for eit metall vann dei ut forutan pyritt og sink?

6. Dei fleste grizzlybjørnar lever i kva delstat i USA?

7. Kva av desse er ikkje heilt ukontroversielt med i flagget til Mosambik?

8. Tidlegare norske bibelomsetjingar har gjeve oss uttrykket om å skilje denne planten frå kveite. Kva ugrasplante?

9. Her følgjer dei ti arrangørbyane for årets fotball-EM alfabetisk. Kva for ein manglar: Berlin, Dortmund, Düsseldorf, Frankfurt, (…), Hamburg, Köln, Leipzig, München, Stuttgart? Laget Schalke 04 kjem frå denne industribyen.

10. Kva nobelprisvinnar i litteratur vart fødd i småbyen Kalundborg på Sjælland i 1882?

11. Me tenkjer oss ein vinkel i ein rettvinkla trekant. Kva trigonometrisk funksjon er då definert som den hosliggjande kateten dividert med hypotenusen?

12. E39 kryssar Sognefjorden mellom Lavik og Oppedal. Er det bru, ferje eller tunnel?

13. Kva vilter teikneseriegut skapt av Hank Ketcham i 1951 har etternamnet Mitchell og tilnamnet the Menace, «trusselen»? Mange kjenner han òg frå TV og film.

14. Kva tyder lóng nián, som den kinesiske kalenderen gjekk inn i 10. februar 2024? Det første ordet viser til eit av dei mest kjende symbola på kinesisk kultur.

15. Under dei første Holmenkollrenna i 1892 konkurrerte ein i berre éin ting, og Svein Sollid frå Morgedal vann. Var det 50 kilometer, kombinert eller skihopping?

16. Kven drog på seg ei politimelding for utukt etter eit reportasjestunt i 1998, då Thorbjørn Jagland måtte ta ho på brysta?

17. Italienske Bartolomeo Cristofori skal ha funne opp pianoet ein gong omkring kva rundt år?

18. Kva kommisjon, leidd av Kamilla Silseth, har nok ein gong avvist kravet til Per og Veronica Orderud?

19. Kva for eit land opplevde 1. februar 1908 at kong Karl 1. og kronprins Ludvig Filip vart skotne og drepne på open gate? Den yngre sonen Manuel vart ny konge.

20. Kva heiter den berbare musikkspelaren frå Sony som kom i 1979 og vart allemannseige?

21. Kven av desse har mest bruk for ein tommeskrue: ein lækjar, ein røyrleggjar eller ein torturist?