Dag og Tid-quizen 4. oktober 2024

1. Quizmeisteren tok nyleg Østfoldbanen frå Oslo til Fredrikstad for å delta på NM i quiz. Om lag kor lang er togturen?

2. På gåtur i Fredrikstad sentrum oppdagar ein fort organet som mellom anna gjev pressestøtte. Kva heiter dette, der Mari Velsand er direktør?

3. I Gamlebyen er det statue av han som grunnla «Plankebyen» i 1567, den første kongen med ein norsk by oppkalla etter seg. Kven er det?

4. Kva Lillebjørn Nilsen-song handlar om ei Oslo-kvinne som «bor i ei gate i Gamleby’n»?

5. Du ser på Karlsvogna. Handtaket stikk ut mot venstre. Kvar må du sjå for å finne Den vesle bjørnen: opp, ned, høgre eller venstre?

6. På latin heiter Den vesle bjørnen Ursa Minor. Urša Bogataj frå Slovenia er òg stadig høgt oppe. I kva sport vann ho to OL-gull i 2022?

7. Kva kjend kvitevareprodusent, stifta i 1950, er slovensk?

8. Kva kvitevare kan du nytte på låg varme dersom vaskelappsymbolet er eit kvadrat med ein sirkel inni og ein prikk i midten? Fleire prikkar tyder høgare varme.

9. Kva faktor kan du multiplisere med diameter for å få omkrinsen til ein sirkel?

10. Faktor kan vere ein eldre yrkestittel for teknisk sjef på kva slags arbeidsplass? Det første norske dømet på fasitsvaret vart opna i Kristiania i 1643 av Tyge Nielssøn.

11. I kva for to tiår leia Simón Bolívar mykje av Sør-Amerika til sjølvstende frå Spania?

12. Kva nederlendar fekk Nobelprisen i fysikk i 1913 for arbeid med materiale som har særs låg temperatur? Eit kjent døme er oppdaginga av superleiarar, stoff som leiar straum utan at det er elektrisk motstand.

13. Kva er frå 28. september særeige for Willie Nelson blant dei fire medlemmane i supergruppa The Highwaymen?

14. Kva italiensk ord for motorveg vert nytta i Italia og fleire andre land?

15. Me skal fram til ein liten by i regionen Umbria midt i Italia. Dei to helgenane som grunnla fransiskanarordenen og klarissane, var båe herifrå.

16. Umbria er ein av fem italienske regionar utan kyst. Kva er dei fire andre?

17. Israel er igjen i konflikt med Hizbollah. Islamistrørsla held til i kva for eit land med kyst mot Middelhavet?

18. Romarane kalla Middelhavet Mare Nostrum. Kva tyder det?

19. Kva for eit H.C. Andersen-eventyr startar slik: «Langt ude i Havet er Vandet saa blaat»?

20. Kallenamnet «havets kardinal» speler på raudfargen hummaren får når han … 

21. Kven er kunstnaren bak «Teléfono Langosta»? Surrealistverket frå 1930-åra er ein telefon med ein hummar liggjande oppå røyret.