Dag og Tid-quizen 12. april 2024

1. Jan Greves bilete av kongen på trikken i 1973 gjekk verda rundt. Kvar var Olav passasjer?

2. Kva er presens partisipp av verbet smile?

3. Abortlova er til debatt. I dag bestemmer kvinna fram til utgangen av kva veke?

4. Tre filmar frå 1935, 1962 og 1984 har same tittel. Opprørsleiaren vart spelt av høvesvis Clark Gable, Marlon Brando og Mel Gibson. Kva felles tittel?

5. Raudt-leiar Marie Sneve Martinussen kjem frå kva kommune, som har ei himmelretning i namnet?

6. Kva namn på sju bokstavar har det normative miljøfilosofiske systemet til Arne Næss?

7. Kva framstormande amerikanar (fødd i 2004) er verdas beste sprintskøyteløpar, men vraka årets sprint-VM? Det var for å delta i allround-VM, som han vann.

8. Kva for noko av butterdeig har eit namn som tyder «veksande (måne)»?

9. Kven er gul og må passe seg for dei fire spøkelsa Blinky, Pinky, Inky og Clyde?

10. Forsvaret skal verte større. Kva slags hæravdeling er det Noreg har éi av, men skal få tre av? Den noverande har nemninga Nord.

11. Kven fullførte tonediktet Tapiola i 1926, men komponerte ingen store verk dei neste drygt 30 åra, før han døydde i 1957?

12. Kva klatreplante vert òg kalla bergflette?

13. Kva hushaldsartikkel kan du sjå som symbol merkt med éin, to eller tre prikkar, alt etter om makstemperaturen er 110, 150 eller 200 grader celsius? Eit fjerde alternativ er at symbolet er kryssa over.

14. Kva for eit naturfenomen fullfører tittelen på Monet-måleriet som gjev namn til impresjonismen: «Inntrykk av ein…»?

15. Den 3. april fylte verdas leiande sjimpanseekspert 90 år. Kva brite er det? Ho har studert arten i lang tid, særleg i Tanzania.

16. Tikal er den mest kjende maya-ruinbyen i kva for eit land?

17. Kva for eit instrument plar Odd Nordstoga spele når han framfører «Kveldssong for deg og meg»?

18. Kva er det lågaste fjellet som oppfyller båe desse kriteria: 1) Det ragar minst 8000 meter over havet. 2) Det er det høgaste fjellet i eitt eller fleire land.

19. Johannes 19,20 fortel at innskrifta på krossen til Jesus stod på hebraisk, gresk og kva for eit tredje språk?

20. I kva for eit år gav Mary Shelley gav ut romanen Frankenstein?

21. Kva fransk by ligg nær Middelhavet og gjev namn til ein kjend tekstil?