Dag og Tid-quizen 29. november 2024

1. Han kom til Oslo som tenåring og opna butikken Volvat Pels i 1941. Kva nyleg avdød åling er det?

2. Kva for to av nabokommunane til Ål har nesten identiske namn?

3. Kva er det særs mykje av i Dødehavet, som gjer at ein flyt lett?

4. I kva liga har Dave Williams og Dave Schultz rekordane for høvesvis flest straffeminutt og flest straffeminutt på éin sesong? Den første er på rundt 4000 minutt.

5. Kva for eit adjektiv på m tyder utmatta og står til eit fransk ord for «skurk, slyngel»? Opphavet er sjuke eller såra soldatar som plyndra under trettiårskrigen.

6. I kva TV 2-program er dei fleste lojale, det motsette av tittelrolla?

7. Kva volum har 1 kilogram is: 0,9 liter, 1,0 liter eller 1,1 liter?

8. Somme følgjer enno den tyske lova Reinheitsgebot frå 1516 når dei produserer kva?

9. I kva for eit land var Siad Barre diktator frå 1969 til han vart avsett i 1991? Maktkampen etterpå førte til borgarkrig.

10. På kva kyst ligg Marbella, Fuengirola og Málaga?

11. Kva heiter den viktigaste rørsla i afrikansk-amerikansk litteraturhistorie? Dette var i mellomkrigstida i eit bestemt område i New York. To sentrale figurar var Langston Hughes og Zora Neale Hurston.

12. Kva svensk selskap er verdas mest nytta musikkstrøymeteneste?

13. Kva heiter høgkoret i Nidarosdomen, aust i kyrkjerommet, der Olavsskrinet stod fram til reformasjonen? Namnet handlar om fasong.

14. Kristin Lavransdatter døyr i kva historisk hending?

15. I Nøtteknekkeren drøymer me oss av garde saman med dottera i familien. Kva er fornamnet hennar?

16. Asterismar er ikkje offisielle stjernebilete. Kva kjend asterisme med sju stjerner er del av Den store bjørnen?

17. Gladiator vann Oscar for beste film, og Gladiator II er kinoaktuell. Kva brite har regissert båe?

18. Keisarane i Gladiator II er brørne Caracalla og Geta. I kva periode var minst éin av dei anten medkeisar eller keisar?

19. I dødsriket Hel herskar guddommen med same namn. Er Hel mannleg eller kvinneleg?

20. Kva er heimbyen til Ole Gunnar Solskjær, der han starta karrieren på laget Clausenengen?

21. Kva er det mest talrike treslaget i Noreg? Det utgjer saman med gran og furu over 90 prosent av det ståande skogvolumet, ifølgje Nibio.