Dag og Tid-quizen 1. desember 2023

1. Kor mange FN-land er det i skrivande stund som anerkjenner Palestina som stat?

2. Kva song, tonesett i 1960-åra, handlar om DS «Oster», som låg «ved bryggja i Bergen»?

3. Kva er det engelske ordet for rundkøyring?

4. Thea Næss er ein av fleire norske verdsmeistrar i denne sporten, der namnet indikerer at både spark og slag er lov. Kva sport?

5. Kva er ein mokkert?

6. Kvar i Finland ligg Helsinki?

7. Kva heiter Louisa May Alcotts romanklassikar frå 1868, om systrene Meg, Jo, Beth og Amy?

8. Kva heiter sjukeleg trong til eldpåsetjing?

9. I kva stort selskap har Helena Helmersson arbeidd som mellom anna HR-manager i Bangladesh og berekraftssjef, før ho vart administrerande direktør i 2020?

10. Er hendene til «Mona Lisa» med på portrettet?

11. Kva heiter tradisjonsretten frå Hardanger med lammekjøt, kalvekjøt, flesk og byggryn, vanleg i bryllaup, servert med til dømes poteter og kålrotstappe? Kjøtet kan variere noko frå oppskrift til oppskrift.

12. Kva for eit årstal er Carsten Anker særleg knytt til, ikkje minst som (fysisk fråverande) forsamlingsvert?

13. Kva sosiolog, SV-politikar og embetskvinne frå Skien har hatt éin fast ministerpost: statsråd for forsking og høgare utdanning i Stoltenberg II? Ho har forska mykje både før og etter det.

14. Kva for ein av dei sju verdsdelane kjem lauvtreet teak frå?

15. Ein kan dele teologi i fire hovuddisiplinar. Kva manglar dersom me nemner bibelfag, systematisk teologi og praktisk teologi?

16. Kor mykje blått er det i det norske flagget i forhold til kvitt?

17. Kva for ein Pablo (1844–1908) var ein spansk fiolinvirtuos som òg komponerte for instrumentet sitt? Det best kjende verket er Zigeunerweisen (Sigøynerviser) for fiolin og orkester.

18. Kva er namnet på både ei matbutikkjede, eit tyggegummimerke og eit spel frå Norsk Tipping? Det er òg ein sentral del av namnet på ei leikebutikkjede.

19. Kva for noko på v heiter hodos på gresk, som har gjeve ordet odometer?

20. Kva canadisk skodespelar (f. 1935) er far til fleire eple som ikkje fall langt frå stammen, både Kiefer, Rossif og Angus?

21. Quizmeisteren hyggjer seg med ei ny bok av Erik Fosnes Hansen. Kva for eit land er det han skriv om i bokserien «På 200 sider»? Eit tekstdøme er at landet «hadde karet til seg Tanzania og Namibia samt noen øyer hist og her».