Dag og Tid-quizen 18. oktober 2024

1. Denne politikaren med initialane K.E.K. kommenterte statsbudsjettet for 2025. Ho meiner det ikkje held at skatten for dei rikaste aukar med «en halv flaske champagne». Kven er det tale om?

2. Indonesia er det mest folkerike landet der fleirtalet høyrer til kva religion? Pakistan følgjer etter.

3. Kven er som oftast høvesvis predator og byttedyr i møtet mellom ein jaguar og ein kaiman?

4. I kva for eit år kom reformasjonen til Danmark-Noreg? Me godtek to svar, to etterfølgjande år.

5. Den tyske soldaten Klaus Maertens skadde ankelen og laga ein ny støvel. Dette er opphavet til eit britisk skomerke oppkalla etter han. Kva var yrket hans?

6. Kva kjend fjellformasjon i kommunen lengst nordvest i Trøndelag var ifølgje segna dotter til Suliskongen, på flukt frå Hestmannen? Kommunenamnet inngår i svaret.

7. Tykhe var gresk gudinne for lukke. Kva heiter det meir kjende romerske motstykket?

8. Kva heiter tørka plommer?

9. Nobelprisen i fysikk går i år til John Hopfield og Geoffrey Hinton. Kva sentralt omgrep i kunstig intelligens skal inn her i grunngjevinga: «for grunnleggjande oppdagingar og oppfinningar som mogleggjer (…) med kunstige nevrale nettverk»?

10. I kva musikkstil er dansaren Carmen Amaya og gitaristen Sabicas to store namn? Dei vart internasjonale stjerner etter at dei flykta til Latin-Amerika under den spanske borgarkrigen.

11. Kva av desse er for utøvarar med psykisk utviklingshemming: Deaflympics, paralympiske leikar eller Special Olympics?

12. Kva for ein Gustav (1889–1942) vert kalla den viktigaste norske målreisaren etter Ivar Aasen? Han samla trådane til sistnemnde i hovudverket Norsk målsoga. To andre døme er stadnamngransking og bibelomsetjing.

13. Kva valuta har koden CHF? Svar med nasjonalitet og nemning.

14. Kva Chaplin-film handlar om ein «feber» ved elva Klondike i 1890-åra?

15. Kva øygruppe i Indiahavet vert kalla den siste britiske kolonien i Afrika? Storbritannia har nyss vorte einig med Mauritius om å gje ho tilbake.

16. Kva heiter festivalen med tilnamnet Lillehammer Jazzfestival? I år er han 17.–20. oktober.

17. I Johannesevangeliet (kapittel 20, vers 1) er det Maria Magdalena åleine som på påskemorgon finn den tomme … kva? Dei andre evangelistane nemner ho saman med andre kvinner.

18. I kva for eit noverande land er forfattaren Nino Haratischwili fødd? Landet er sentralt i den internasjonale bestseljaren hennar frå 2014, mursteinsromanen Det åttende livet (til Brilka).

19. Kva er minst av ein asterisk og ein obelisk? Orda gjev namn til teikneserieduoen.

20. Kva heiter verdas høgaste obelisk? Han ragar 169 meter i vêret og står i parken National Mall.

21. Kva historisk kvinne er sentral i Asterix-album nummer 6, det andre ein gav ut på norsk?