Dag og Tid-quizen 15. desember 2023

1. Kva finst det 48 av i Noreg etter at Østmarka i Oslo fekk slik status i 2023?

2. Kva for ein setter har ofte kvit pels med svarte flekker?

3. Kva for eit av dei fire evangelia i Bibelen nemner vismennene Kaspar, Melkior og Baltasar med namn?

4. SUS står for Samveldet av uavhengige statar. Desse statane var tidlegare ein del av kva for eit land?

5. I 1966 fekk Ingmar Bergman ei dotter som skulle verte ein kjend forfattar. Kven er mor hennar?

6. Kva handlar tenester som Expedia og Momondo om?

8. Handlinga i Shakespeare-komedien Much Ado About Nothing er lagd til Messina på Sicilia. Kva er den norske tittelen?

9. Set bjørk, gråor og kristtorn i rekkjefølgje frå størst til minst brennverdi. To av dei ligg i kvar sin ende av skalaen, den siste er midt på treet.

10. Kva slags sesongbasert trykksak har teikneserien Vangsgutane kome ut som sidan 1941?

11. Ein gong quizmeisteren hadde fasitsvaret «Vangsgutane», vart det dessverre ikkje poeng til han som svarte Vassendgutane. Kva kommune kjem countrybandet frå, den same som Ivar Aasen og Anders Hovden?

12. Kva for eit land har vunne 12 av dei 13 siste afrikameisterskapa i kvinnehandball? Dei var å sjå i årets handball-VM.

13. Kva valør har den amerikanske dollarsetelen der me ser Ulysses S. Grant på framsida og Capitol på baksida?

14. Kva for to grunnstoff, båe kjende frå glødetrådar, gjev namn til lyspæreprodusenten Osram?

15. Kva for eit randhav i Antarktis, på den sida som vender ut mot Stillehavet, har namn etter ein nordmann?

16. Kva mykje sett julekalender på NRK er tilbake i år med sesong 2? Me møter Selma, Julius og dei andre, men òg den nye hovudpersonen Noah.

17. Kva heiter den 5000 år gamle ruinbyen i Peru som gjev namn til det me reknar som Amerikas eldste sivilisasjon? Han ligg ved kysten nord for Lima og står på Unescos verdsarvliste.

18. Kva fransk vindistrikt kan stå framfor ordet Nouveau i namnet på ein vin som vert lansert kvar november med brask og bram?

19. Vinterkrigen tok til då Sovjetunionen angreip Finland den 30. november i kva år?

21. Kva amerikanar, fødd i 1989 og kalla eit låtskrivargeni, er nyleg kåra til Person of the Year av Time?