Dag og Tid-quizen 6. oktober 2023

1. Kven stod brud 29. februar 1996 på den norske ambassaden i Paris saman med Sindre Finnes?

2. Ein film frå 2006 er sett saman av mange kortfilmar og har eit fransk namn som tyder «Paris, eg elskar deg». Kva er tittelen?

3. Kva krig i gresk mytologi tok til mykje på grunn av kongssonen Paris?

4. Kva er det som er tillate i krig og kjærleik, ifylgje uttrykket?

5. Kva for eit verb tyder «gjere straffri», til forskjell frå legalisere, som tyder «gjere lovleg»?

6. Kva, som Miljøpartiet Dei Grøne vil legalisere, har THC og CBD som dei viktigaste verkestoffa?

7. Sjølvbiografien En kamp til handlar om ein nordmann som fekk fleire hundre fotballkampar for Southampton og sidan kjempa ein hard kamp mot rusmisbruk. Kven er det?

8. Set byane Brighton, Southampton og Plymouth i rekkjefylgje frå vest til aust på sørkysten av England.

9. «Mayflower» og pilegrimsfedrane segla frå Southampton i England til byen Plymouth i det som no er Massachusetts. Kva rundt år var det?

10. Kva er eit anna namn på maiblom, ein plante som passeleg nok minner om liljekonvall?

11. Kven komponerte melodien til songen «Kom, mai, du skjønne, milde»?

12. Kva offisiell flaggdag fall på 28. mai i 2023?

13. I flaggloven møter me ordlyden «16 til 22». Forklar kva det tyder.

14. Kva svarar brøken 16/22 til?

15. Kva britisk hardrockband gav i 1970 ut det fjerde studioalbumet sitt, der me ser Mount Rushmore? Dei fire presidentane er her bytte ut med andleta til fem langhåra medlemmer.

16. Kva amerikansk skulptør er best kjend for presidentandleta i Mount Rushmore?

17. Kva kallar me ein stor og vakker første bokstav i eit bokkapittel eller liknande?

18. Kva er bel paese innanfor italiensk mat og drikke?

19. Kva kallar me marsjen i 1922 då Benito Mussolini kom til makta i Italia?

20. Eit av produkta til merket Compeed er plaster til å ha på hælen ved til dømes marsjering. Kva slags plaster er det?

21. Noreg på langs er om lag 1700 kilometer i luftline. Kva for eit land er over 4000 kilometer langt, men har berre ei gjennomsnittleg breidde på rundt 200 kilometer?