Dag og Tid-quizen 16. mai 2025

1. Den 8. mai vart Robert Francis Prevost den første paven frå Nord-Amerika. Kva namn og nummer har han teke?

2. Den nye paven er den første frå kva katolsk orden? Han var generalprior (øvste leiar) frå 2001 til 2013.

3. Kva for eit hav ligg Cape Town ved?

4. Kva for eit kattedyr utanom tiger, løve og leopard kan brøle?

5. Den første reisa i Gullivers reiser går til Lilliput. Kva er spesielt med menneska der? På den andre reisa, til Brobdingnag, er det motsett.

6. Scrub Daddy ser ut som eit gult smilefjes, Scrub Mommy som eit rosa. Kva slags gjenstand er dei? Clas Ohlson kallar båe effektive og sel dei til 39,90.

7. Kva for to land er dei viktigaste partane i Kashmir-konflikten, som igjen har eskalert?

8. Kva Flåklypa-figur har eit etternamn som kan tyde «skinnlappen under snøringa på skotøy»?

9. Den første OL-medaljen til det norske kvinnelandslaget i handball var eit sølv i kva år? Arrangørlandet vann.

10. På kva øy ligg teaterdistriktet Broadway?

11. Den nest siste var gul. Den siste var derimot blå, vart trykt i nesten 750 millionar eksemplar, kom i 1972 og vart ugyldig i 1999. Kva er det tale om?

12. Sanitetskvinnene reknar ein stor kvinnesaksforkjempar som grunnleggjaren sin. Både heidersprisen og medlemsbladet deira er oppkalla etter ho. Kven då?

13. Ordet saueauge har to tvilydar. Kva er eit synonym for tvilyd?

14. Eit av dei mest kjende verka til arkitekten Frank Gehry er i Spania og opna i 1997. Kva iaugefallande bygning er det?

15. Stipla kantlinje tyder at vegbreidda er mindre enn kva heilt tal meter?

16. Kven vann nyss årets herresingle i Madrid Open? Dette er den største tittelen hans så langt, den første på nivået ATP 1000.

17. Kva «lov» frå 1911 seier at parti og andre organisasjonar endar i fåmannsvelde? Lova vart laga av Robert Michels, ein tysk-italiensk sosiolog.

18. Kva italiensk likør, oppfunnen i 1860, fekk lenge raudfargen sin frå karmin frå skarlakslus?

19. Slowfox er, jamfør namnet, ei langsam utgåve av kva annan dans?

20. Krabbetåka er restar etter ein … kva? Eksempelet i dette tilfellet var av type II, og året var 1054.

21. Kva 17. mai-song er frå 2012, skriven av Grethe Myhre Skottene og tonesett av Carl-Andreas Næss?