Dag og Tid-quizen 23. mai 2025

1. Leo 14. er den første paven frå USA og kva for eit anna land, der han òg er statsborgar? Han budde lenge i Trujillo og vart seinare biskop av Chiclayo.

2. Kva er spesielt med flaskene på museet til Christian Ringnes i Kirkegata i Oslo?

3. Kva for eit rovdyr finst det to artar av i Australia, som ein lokalt kallar saltie og freshie? Den første er verdas største.

4. Kva sentralt omgrep i samband med stavkyrkjer tyder loddrett, takberande tresøyle?

5. I kva filmklassikar frå 1942 seier karakteren til Ingrid Bergman: «Play it, Sam. Play ’As Time Goes By’.»?

6. Mannen i D.D.E.-songen «E6» skal til Bodø. Den nest siste kommunen på strekninga er òg nemnd i teksten. Kva kommune?

7. Kva av desse detaljane er kvit på måleriet «Nattverden»?

8. Kva Dodge-modell – ei kruttønne av ein sportsbil – kom på marknaden i 1992 og deler namn med ein type slange?

9. Kva detektiv frå Bergen møtte me første gong i romanen Bukken til havresekken frå 1977?

10. Den nye LO-leiaren vart Kine Asper Vistnes, ikkje Jørn Eggum. Båe kjem frå det nest største LO-forbundet. Kva heiter det?

11. Kor mange kvadratmeter er eit dekar?

12. Kva heiter dei to mexicanske delstatane som har kyst i vest mot Californiabukta? Den nordlege gjev namn til ein ørken, den sørlege til eit narkotikakartell. Dei startar på same bokstav.

13. Liverpool FC har mange legender, men berre ei av dei fekk Ballon d’Or medan han spelte for klubben. Kven då? Hint: Han som er det næraste feilsvaret, vann prisen to gonger, men hadde bytt klubb til Hamburger SV.

14. Indonesia erklærte seg sjølvstendig i 1945, men vart anerkjent først i 1949, etter ein fire år lang krig mot den gamle koloniherren sin. Kva for eit land er det?

15. Kva heiter fylkeslaget i Noregs Mållag som dekkjer Innlandet utanom Valdres? Namnet står i kontrast til eit av dei eldste mållaga, stifta i Bergen i 1868.

16. Kva kallenamn på to ord fekk biologen Thomas Henry Huxley? Det var fordi han kjempa ivrig for ei utviklingslære.

17. Kva av desse er eit leveår for den gresk-amerikanske operastjerna Maria Callas?

18. Kva sport har hatt VM sidan 1927 og nesten berre vinnarar frå Dei britiske øyane? I år var vinnaren for første gong ein kinesar, Zhao Xintong.

19. Kva for noko skrått er eit uttrykk for teaterscenen?

20. Kva barnleg, rimande namn nyttar dei bestseljande strikkebokforfattarane Hanne Andreassen Hjelmås og Torunn Steinsland?

21. Kven var den mest kjende personen i det første triumviratet? Dei to andre i alliansen var Pompeius og Crassus.