Dag og Tid-quizen 23. februar 2024

1. I kva tysk spel med misvisande geografisk namn flytter ein kuler på eit stjerneforma brett?

2. Kor mange fjell seier me at Bergen ligg mellom?

3. Klamydiabakterien heiter Chlamydia trachomatis. Det siste ordet viser til infeksjonen trakom, ei hyppig årsak til kva funksjonsnedsetjing?

4. Korleis ville Bøygen at Peer Gynt skulle gå?

5. Kva kontroversiell amerikanar vart nyleg den første vestlege journalisten til å intervjue Vladimir Putin sidan invasjonen av Ukraina?

6. Kva er måleininga når det står til dømes 10 eller 18 på ein (metrisk) fastnøkkel?

7. Kva heiter presidentpalasset i Buenos Aires? Namnet viser til utsjånaden.

8. Kva slags kart kan vere av standarden ISOM? Her tyder til dømes kvitt og grønt vanleg skog og tett skog.

9. Kva religiøst verk skal ha stått på gulltavler som vart funne ved hjelp av engelen Moroni?

10. Kva slags rovpattedyr finst i artar med forstavingane flekk-, brun- og stripe-? Den siste arten i familien heiter jordulv.

11. Taylor Swift var trekkplaster på tribunen då laget til kjærasten vann Super Bowl i 2024 for andre gong på rad. Kva er laget til Travis Kelce?

12. Kva veg vert ei arabisk tekstlinje lesen?

13. Kva for eit dokument med jubileum i 2024 er det Jørn Øyrehagen Sunde omtalar slik: «den fyrste vellukka, store, politikkdrivne samfunnsreforma vi kjenner til i norsk historie»? Han er den fremste eksperten på dokumentet.

14. Duetten «Mysteriet deg» er mellom Bjørn Eidsvåg og kva svenske?

15. Kva for eit omgrep i Immanuel Kants utforsking av fornufta tyder «verda slik ho eigentleg er»? Motstykket er das Ding für mich, «verda slik eg opplever henne».

16. Tsjadsjøen var ein av verdas største i 1960-åra. Eksisterer han i dag?

17. Kva for ein Hallvard (1898–1987) er kjend som skaparen av moderne offentleg heraldikk i Noreg? Han laga dagens utgåve av riksvåpenet og teikna talrike kommunevåpen og andre merke.

18. Kva for noko med hjul trillar ned trappa i ei kjend scene i Panserkrysseren Potemkim (1925)?

19. Prinsesse Astrid representerer framleis kongehuset. Kor gamal vart ho den 12. februar? Svaret er eit partal.

20. Prinsesse Astrid var med på kroninga av Elizabeth 2. i 1953. Eit minne ho har nemnt, var å sjå dronning Salote Tupou 3., som kom i ei nasjonaldrakt med palmeblad. Kva for eit land var sistnemnde monark i?

21. Er ei goro jarnsteikt, omnsbakt eller smultkokt?