Dag og Tid-quizen 1. november 2024

1. Leiaren Ismail Haniyeh og etterfølgjaren Yahya Sinwar vart drepne i juli og oktober. Kva islamistrørsle er det tale om?

2. Koreasundet er mellom Korea i nordvest og kva øystat i søraust?

3. Kva for noko på fire bokstavar utgjer nesten heile kosthaldet til flodhestar? Dei et om natta, gjerne fleire titals kilogram.

4. Kva er den einaste byen på Vestlandet med forbokstaven L? Folketalet er cirka 15.000.

5. Kva er verdas løn, ifølgje eit ordtak av ukjent opphav?

6. Dette selskapet har kjøpesenter i Noreg, Danmark og Sverige. Namnet er etter Samuel, som starta den første butikken i 1797, og etter Emil, som kom inn seinare. Butikken låg i Kongens gate i Oslo, akkurat som stormagasinet i dag.

7. I kva for eit år vart fotballklubbane Manchester United, Ipswich Town og Everton grunnlagde? Everton har partalsåret med i logoen.

8. Kva leik har i år fått eige program på både NRK og TV 2? Dei heiter høvesvis NM i (…) og Ekstrem (…).

9. Kva er spesielt med Frelsesarmeen når det gjeld dåp og nattverd?

10. Den amerikanske novelleforfattaren O. Henry skapte kva nedsetjande merkelapp nytta om til dømes Honduras?

11. Kva heiter verktøyet som liknar ein drill og gjer hjulskift på bilen til ein leik?

12. Kor mange satsar har Dei fire årstidene av Vivaldi?

13. Kven (f. 1951) er aktuell med boka Mitt liv, mitt fag? Ho er truleg landets mest kjende rettspsykiater og kallar menneske med psykose for hjartebarna sine. Ho har òg nyss fått Åpenhetsprisen saman med Leo Ajkic for arbeidet sitt.

14. Kva heiter ein drikk av varmt vatn, sukker og anten brennevin, vin eller saft? Eit døme solbær-.

15. Kva for eit kallenamn, som speler på omslaget, har Gyldendal-serien med omsette romanar som vart utgjevne frå 1929 til 1959? Redaktør var Sigurd Hoel.

16. På 500-talet før Kristus byrja svartfigurstilen å tape terreng til kva annan stil i gresk vasemåleri?

17. Borborygmus er ein kjend kroppsleg lyd. Kva kallar me han i daglegtalen?

18. Fleire songar av Kris Kristofferson er særs mykje covra. Kva for ein er innspelt med til dømes Roger Miller, Gordon Lightfoot, Jerry Lee Lewis og ikkje minst Janis Joplin? Han er inspirert av ein sekretær som heitte Barbara.

19. Kven i Jul i Skomakergata har «sekk og lue på» og er eigentleg ein tysk barne-TV-figur?

20. Banen i boksing er kvadratisk, men heiter likevel … kva?

21. Dei fem første var Martha, Abigail, Martha, Dolley og Elizabeth. Kva er det tale om?