Dag og Tid-quizen 8. desember 2023

1. Henry Kissingers periode som utanriksminister i USA var under kva for to presidentar?

2. I 1973 skulle Kissinger få Nobels fredspris saman med Le Duc Tho, som takka nei. Kva var det sistnemnde meinte at slett ikkje var slutt?

3. Kva vanleg instrument i eit symfoniorkester har palindromisk namn?

4. I kva for eit Ibsen-stykke er hovudpersonen ei gift fyrvaktardotter, noko tittelen viser til?

5. Korleis kan ein skrive talet 120 med berre to skriftteikn ved å nytte funksjonen fakultet?

6. I kva bygning i Oslo ligg Statsrådssalen, der det normalt er statsråd kvar fredag klokka 11.00?

7. Det er handball-VM for kvinner om dagen i Skandinavia. I den norske troppen er det Camilla Herrem, Sanna Solberg-Isaksen og Emilie Hovden som har kva spelarposisjon?

8. Kva av desse er eit leveår for Sarah Bernhardt, den vidgjetne skodespelaren som kaka er oppkalla etter?

9. Kva gamal norsk kulturplante liknar på sløke, men har sterk og stram lukt og vart dyrka i spesielle hagar heilt fram til 1800-talet? På Voss har ein foredla fram den einaste kjende kulturforma på verdsbasis.

10. Kva er Dødehavet for elva Jordan: utspringet eller utløpet?

11. Kva spesifikk type bygning fortel sagaen at Håkon jarl nytta som gøymestad då han vart drepen av trælen sin i 995? Det var i Melhus hos frilla Tora på Rimol.

12. På Rauland kan ein studere ved ITF, som er Institutt for tradisjonskunst og kva meir?

13. Kva kjend by på Sicilia, rik på gresk og romersk historie, ligg på austkysten, eit stykke sør for Catania?

14. Kva er det mest kjende kallenamnet til Joralf Gjerstad, som meinte at Gud gav han lækjande kraft?

15. Kva for eit land kan skilte med forfattarar som Jorge Isaacs, kjend for romanen María frå 1867, og José Eustasio Rivera med nasjonaleposet La Vorágine (Kvervelstraumen) frå 1924? Då har me sett vekk frå den mest vidgjetne pennen.

16. Kva heiter skinnmaterialet som dei fleste viktigare handskrifter frå mellomalderen vart laga av?

17. Kva tittel på fem ord har John Denver-songen som er eit symbol for staten Vest-Virginia?

18. Kva europeisk mann regisserte dei tre filmane som fekk Oscar-prisen for beste internasjonale film i 1961, 1962 og 1984?

19. Kva er arealet til Noregs største kommune, Kautokeino? Me rundar av oppover til eit rundt og pent svar.

20. Stjernene Frank Shorter, Bill Rodgers og Steve Prefontaine var sentrale i å skape kva slags «bylgje» i 1970-åra?

21. Somme atombomber er hydrogenbomber. Kva for eit grunnstoff vert danna i fusjonen som er den vanlegaste reaksjonen i desse?