Dag og Tid-quizen 26. april 2024

1. Iran har åteke Israel direkte for første gong. Forholdet har vore dårleg sidan den islamske revolusjonen i Iran. Kva for eit år var det?

2. Kva for ein Trygve har vist at også poesi er ein sjanger som kan selje godt i dagens Noreg? Den nyaste diktsamlinga heiter Jeg har venta sånn på deg.

3. Kjem namnet Trygve av adjektivet trygg?

4. Kva arm av Bjørnafjorden har sjølv armane Samnangerfjorden, Ådlandsfjorden og Eikelandsfjorden? Svaret inneheld eit av dei to gamle kommunenamna bak dagens Bjørnafjorden kommune.

5. Du løyser kryssord, har stikkordet «ap», skal fram til eit ord på fire bokstavar og har allereie «JØ» som dei midtre. Kva er svaret?

6. Matteus 6, vers 9–13 inneheld den vanlege versjonen av kva bøn?

7. «Kva er viktige aktivitetar i livet ditt, og korleis vil du delta?» Dette er eit typisk utgangspunkt i yrket som før heitte arbeidsterapeut. Kva yrke?

8. Kva øygruppe heiter Islas Malvinas på spansk?

9. Songen «A Spoonful of Sugar» er med i kva filmmusikal frå 1964?

10. Kva var fornamnet til dottera som var det einaste ektefødde barnet til Håkon 5.? Då han døydde i 1319, vart den tre år gamle sonen hennar, Magnus 7., konge. Ho tok del i formyndarstyret.

11. Kva polsk dans gjev namn til omkring 60 klaverstykke av Frédéric Chopin?

12. Den gamle masseeininga mark har variert i storleik, men vart fastsett etter innføringa av metersystemet. Kor mykje vart ho på? Det går eit heiltal mark på eit kilogram.

13. Nidar profilerer seg med originalen frå 1922. Kva slags «fartøygodteri» er det tale om? Ordet står etter «Skipper» på emballasjen.

14. Kva for eit herrefotballag har denne sigersrekkja i Meisterligaen, inkludert Serievinnarcupen: 1977, 1978, 1981, 1984, 2005 og 2019?

15. Denne delen av storhjernen er spesielt viktig for læring, hukommelse og sosial åtferd. På grunn av utsjånaden kjem namnet frå gresk for «mandel».

16. Over til bustadareal. Vert soverom rekna som primærrom eller sekundærrom?

17. Flyktninghjelpen har ei årleg liste over verdas mest neglisjerte fluktkriser. Kva for eit land klatra opp til 1. plass i 2022? Av dei 24 millionar innbyggjarane er omkring to millionar internt fordrivne. Nabolandet Mali kom på 7. plass det same året.

18. Kva er det eksklusive Flora Danica frå Royal Copenhagen?

19. Læraren meinte verda er laga av stoffet apeiron. Ein elev med nesten same namnet meinte svaret heller er luft. Kva for to greske filosofar er det tale om?

20. Kva ugleart er størst i både Noreg og resten av Europa?

21. Var O.J. Simpson framleis i fengsel då han døydde?