Dag og Tid-quizen 15. september 2023

1. I kva song har tittelpersonen mellom anna «mørke, brune øyne» og «silkebløte kinn»?

2. Eiffeltårnet vart bygd til verdsutstillinga i kva år som sluttar på sifferet 9?

3. Kva er det nordlegaste noverande fylket som Ivar Aasen var innom og samla talemålsprøver frå? Han kom til den største byen i dette fylket i 1851.

4. Den 22. august 1961 hoppa sjukepleiaren Ida Siekmann ut vindauget. Ho vart det første dødsofferet me kjenner, knytt til kva historisk byggverk?

5. Kva kufte, som ofte har striper, lus, sjakkruter og åttebladroser, har namn etter ein tidlegare kommune i Bergen?

6. Muhammed vart fødd rundt 570 i kva by?

7. Kva stort land har i 2023 landa vellukka på månen for første gong? Romsonden heiter «Chandrayaan-3».

8. Kva for eit ord, ein del av namnet Chandrayaan, tyder «måne» på fleire språk i det nemnde landet?

9. Etter at andre verdskrigen øydela mykje av idrettskarrieren, var det ikkje sjølvsagt at Birger Ruud skulle stille i vinter-OL i 1948. Der vann han kva medalje i kva sport?

10. I august gjekk styringsrenta opp frå 3,75 til 4,00 prosent. Kva slags renteheving er det?

11. Kva heiter skogtraktene mellom Hallingdal og Valdres assosiert med forfattaren Mikkjel Fønhus?

12. Kven har spelt dronning Elizabeth 2. og Golda Meir på film i høvesvis 2006 og 2023?

13. Kor mange symfoniar komponerte Edvard Grieg?

14. Kva er ein sjøkjeks, som har så korte armar at han minner om ein regulær femkant?

15. Grete Faremo har hatt fire ulike ministerpostar. Kva for ein er nærast knytt til utdanninga hennar og er den posten ho har hatt lengst? Ho var dette i delar av regjeringane Brundtland 3 og Stoltenberg 2.

16. Kva for eit land i Sør-Amerika er 2,8 millionar kvadratkilometer stort og har 46 millionar innbyggjarar?

17. Av kva for eit bilmerke er elbilsuksessen i3?

18. Verdsarvstaden Leptis Magna i Libya var ein av dei vakraste romerske byane. Kva keisar var fødd her og stod for omfattande utbygging av staden?

19. Kva for eit varemerke har namn etter ein småby i Ilmajoki kommune i Södra Österbotten i Finland? I Noreg finst det berre éin butikkjede som har lov til å selje produktet.

20. Kor lang effektiv speletid har kvar av dei tre periodane i ein ishockeykamp?

21. Kven var Karl Herman, Gry og Haakon? Dei døydde høvesvis i ei båtulukke i 1936, i sjølvmord i 1970 og som 95-åring i 2016.