Huisgenoot-nuusvasvra: week van 17-23 April 2017

Wat is die naam van die enorme gebedsaamtrek wat die evangelis Angus Buchan Saterdag naby Bloemfontein gehou het?

Nou die dag het hulle ’n gay-soen gewys, nou verskuif die sepie 7de Laan nog ’n grens. Wat was dit?

Wat het die Britse premier Theresa May verlede Dinsdagoggend aangekondig?

Hoeveel verdien die oud-SAUK-hoof Hlaudi Motsoeneng per maand terwyl hy heeldag by die huis sit??

Altesaam 20 kinders is dood in ’n tragiese busongeluk terwyl hulle onderweg was van hul skool in Gauteng na hul huise net anderkant die grens in Mpumalanga. Waarom het hulle in Gauteng skoolgegaan?

Wie loop volgens politieke ontleders tans voor in die ANC-leierskapstryd wat aan die einde van die jaar beslis word?

Prins Harry van Brittanje het die afgelope week onthul dat hy sielkundige terapie ondergaan het. Hoekom?

Wie het gesê: “Ek is moeg, maar ek gaan nie ophou baklei vir wat my kinders toekom nie.”

Amerika het ’n paar ernstige waarskuwings aan die aggressiewe Noord-Korea gerig. Toe wys satellietopnames dat daar Woensdag ongewone dinge op Noord-Korea se kern-toetsterrein plaasgevind het. Wat was dit?

Prof. Glenda Gray, president van die SA Mediese Navorsingsraad, is op die tydskrif Time se 2017-lys van die wêreld se 100 invloedrykstes. Hoekom?

Die bekende sportafrigter Nick Durandt is Vrydag in ’n motorfietsongeluk oorlede. Watter sportsoort het hy afgerig?

Die nuutste fliek in die reeks The Fast and the Furious het omtrent die geldlaaie in Suid-Afrika laat klingel. Watter bekende Suid-Afrikaner is in die rolverdeling?

Watter titel het die tydskrif People vir die vyfde keer aan die aktrise Julia Roberts toegeken?

Die sanger Refentse het Sondagaand met nie minder nie as vier Ghoemas weggestap, onder meer vir manlike kunstenaar van die jaar en album van die jaar. Wat is die titel van sy wenalbum?