Dag og Tid-quizen 30. mai 2025

1. Kva heiter den lokale bunaden prinsesse Ingrid Alexandra fekk i dimisjonsgåve 1. april og stilte i på 17. mai? Han er ein fri komposisjon frå 1947.

2. Kva slags visp vert halden med den eine handa og sveiva med den andre?

3. Kva Olav H. Hauge-dikt har namn etter ein dag og opnar slik: «Dei store stormane/ har du attum deg./ Då spurde du ikkje/ kvi du var til,/ kvar du kom i frå eller kvar du gjekk,/ du berre var i stormen,/ var i elden.»

4. Kva slags kunstverk er sett saman av mange små bitar som vert kalla tessera?

5. Kva kjent botanisk omgrep tyder «stengel som ved stor produksjon av vedvev har vorte tjukk og hard»?

6. Kva elv gjev namn til to av dei 18 regionane i Frankrike? Dei heiter Pays de la (…) og Centre-Val de (…).

7. Kva nederlandsk legende hos FC Barcelona kom til klubben som spelar i 1973 og som trenar i 1988?

8. Kva læringsplattform, grunnlagd i Bergen i 1999, vert nytta i Noreg og fleire andre land? Mange norske skulebarn loggar inn her, til dømes for å finne leksene sine.

9. Statinar er lækjemiddel som senkar produksjonen av kva for eit feittstoff?

10. Kva mindre vanleg songform i Eurovision Song Contest var sentral i årets vinnarlåt «Wasted Love»? Me kan rekne Storbritannias «All» frå 1957 som det første dømet i ESC.

11. Kva 221 meter høgt byggverk ligg på grensa mellom Nevada og Arizona? Det er oppkalla etter han som var president frå 1929 til 1933.

12. Kva tyder den sørlandske nemninga pissemaur? Det finst over 500.000 av fasitsvaret.

13. I kva for eit land er bryteforma glíma rekna som nasjonalsport?

14. Den fem år gamle peruanske jenta Lina Medina vart historisk i 1939. Kva gjorde ho den maidagen?

15. Kva var den siste runde overståtte bursdagen til Edvard Grieg?

16. Kva sentral figur i teaterforma commedia dell’arte er grådig og gjerne raudkledd med svart kappe? I dag tyder namnet hans «bukse» på italiensk.

17. Kva overnasjonal domstol har i mai gjeve Greenpeace og Natur og Ungdom medhald? Kravet er at den norske staten ikkje kan godkjenne nye oljefelt utan å vurdere klimaeffektane først.

18. Ein kvinneleg storfyrste på 900-talet skal ha vore den første døypte monarken i Kyivriket. Sonesonen hennar gjorde kristendommen til statsreligion. Kva heitte dei?

19. Kva for eit symbol utanom partinamnet ser me i logoen til Raudt?

20. Filmane Trainspotting og Slumdog Millionaire er båe av kva britisk regissør?

21. Kva del av Kongeriket Noreg ligg cirka 71 grader nord og 9 grader vest?