Dag og Tid-quizen 20. mars 2026

1. For første gong sidan 1938 er vinnaren av allround-VM på skøyter for kvinner ein norsk utøvar. Kven då?

2. På herresida vann Sander Eitrem, som første nordmann sidan 1994. Kva «skøytemekka» var meisterskapen i?

3. I islam er hajj og umra høvesvis «den store …» og «den vesle …» kva? Båe har Mekka som mål.

4. Kva, som ligg på Magerøya, er målet for billøpet i filmen Børning (2014)?

5. Kva heiter den historiske typen køyring som er sentral på Rørosmartnan? Omgrepet tyder å køyre varer med hest og slede vinterstid eller kjerre sommarstid.

6. Lorentz Lossius grunnla Røros Kobberverk i kva år? Han hadde tidlegare arbeidd ved mellom anna Kongsberg Sølvverk.

7. Kva for eit stortingsparti har nestleiarane Ida Lindtveit Røse og Jorunn Gleditsch Lossius?

8. Kven i Gleditsch-familien var Noregs første spesialist i radioaktivitet? Ho studerte under Marie Curie og vart landets andre kvinnelege professor.

9. Dei tre vanlegaste strålingstypane frå radioaktive kjelder er alfastråling, betastråling og … kva?

10. Kva slags gryn har ein gjerne i betasuppe saman med kjøt, poteter og andre grønsaker?

11. Kva for to land med felles grense er verdas tredje og fjerde største potetprodusent? Det er bak Kina og India, men framfor USA. Tala er frå 2022.

12. Kva «grenselaus» naudhjelpsorganisasjon fekk Nobels fredspris i 1999?

13. Birgit Skarstein vart kjend gjennom kva NRK-program med Lars Monsen?

14. Kva namn på d har den medfødde tilstanden utan normalt utvikla armar og/eller bein? Ein aktuell profil er Benjamin (11) i Team Pølsa.

15. Kva for ein Paul vart ein profilert konsertpianist utan høgrearmen, som han mista i første verdskrigen? Hint: Bror hans var ein verdskjend filosof.

16. Kva slags speleautomat har eit namn som viser til spaken og at du fort vert pengelaus?

17. I 1981 kom spelet Donkey Kong. Sorter Donkey Kong, Jumpman og Pauline etter kven som skal redde kven frå kven.

18. Er muldyr og mulesel som regel fertile eller sterile?

19. Ho vart kjend for dyremotiv og særleg måleriet «Hestemarknaden», eit av dei mest populære bileta på 1800-talet. Kva fransk biletkunstnar?

20. Kva visuelt særtrekk kjenneteiknar til dømes franske Daft Punk og norske Ballinciaga?

21. Kva heiter det franske oversjøiske territoriet i Sør-Amerika?