Dag og Tid-quizen 20. september 2024

1. Frå 2024 heiter det ikkje lenger Olje- og energidepartementet, Oljedirektoratet og Petroleumstilsynet. Dei tre nye namna framstår som «grønare». Kva er desse?

2. Kva plante som ofte har gul og kvit korg, deler namn med ein moropark på Austlandet?

3. Kva er verbet le i preteritum, både på bokmål og nynorsk?

4. Om lag kor mange menneske vart avretta under trolldomsprosessane i Europa og Nord-Amerika, ifølgje Store norske leksikon?

5. Ho vann tre internasjonale meisterskapsgull i langrenn. Alle fekk ho ved å gå første etappe på stafett (2005, 2010, 2011). Kva eidsberging er det tale om?

6. Kva kjent fenomen kan me definere slik: «elektromagnetisk stråling som menneskeauget kan registrere»?

7. Julian Lloyd Webber, veslebror til Andrew, er òg ein omtykt musikar. Kva er instrumentet hans?

8. Kva kjøtprodusent med geografisk namn vart starta i Olden i 1961 og held no til i Loen? Du finn han på Rema 1000.

9. Er Martin Luther den første me veit om at omsette Bibelen til tysk?

10. Kva slags bilete er verket «Den store bølgja ved Kanagawa» av Hokusai? Eit materiale inngår i svaret.

11. Kva for eit land er klart størst i Sør-Amerika, både i areal og i folketal?

12. Skildringar av personlegdommen vår kan vere generelle og likevel kjennast presise. Til dømes i horoskop. Kva heiter denne effekten?

13. Kva film med Clint Eastwood fekk desse fire oppfølgjarane: Magnum Force (1973), The Enforcer (1976), Sudden Impact (1983) og The Dead Pool (1988)?

14. Denne forfattaren er best kjend for temaet «annleisbarn». No er ho 97 år og aktuell med boka Stadig fortsetter jeg å leve, om eigen alderdom. Kven er det?

15. Kva står firetalet for i fotballformasjonen 4–5–1?

16. Dette omgrepet var sentralt i minstrel show, ei amerikansk teaterform som var på høgda i siste halvdel av 1800-talet. Ordet er sett saman av ein farge og ein kroppsdel. Stjerna Thomas D. Rice var stadig å sjå med dette.

17. Kva heiter partiet til Frankrikes nye statsminister Michel Barnier? Det er inspirert av gaullismen.

18. Fullfør sluttorda i songen «Vi lever» med Wenche Myhre: «For livet skal vi slåss, så lenge det går …»

19. Don Walsh og Jacques Piccard var dei første som dykka ned i Challengerdjupet. I kva rundt år skjedde det?

20. Denne staden i Indre Østfold kommune har eit våpen som førsteledd. Ein trur namnet kjem av at den gamle prestegarden låg på ei høgd med framskytande spissar.

21. Kva heiter manøveren der ein får bilen til å dreie (180 grader) ved å trekkje til handbrekket og dreie på rattet?