Dag og Tid-quizen 9. august 2024

1. Kva er desse sju personane ei uttømmande liste over: MacDonald, Attlee, Wilson, Callaghan, Blair, Brown og Starmer? Ein sentral del av fasitsvaret vart grunnlagd i 1900.

2. Kva Grieg-stykke heiter «In the Hall of the Mountain King» på engelsk?

3. Dette er den vanlegaste typen anleggsmaskin utanom gravemaskin. Han har gjerne fire hjul og skuff, slik som traktor.

4. Sommar-OL 2024 er mest i Paris, men med nokre sportar i andre byar. Unntaket lengst frå hovudstaden er surfing, som skjer på kva øy?

5. Kva for eit talsystem, som høver dårleg til komplisert rekning, dominerte i Europa før dei arabiske tala kom utover mellomalderen?

6. Kva stor samfunnsprofil (1813–1895) har sin eigen statue i Slottsparken i Oslo? Tittelen er «I storm». Monumentet viser personen som gamal, sliten etter mang ein kamp.

7. Året etter at Walt Disney døydde, kom Jungelboken, den siste langfilmen han arbeidde med. Når kom filmen?

8. Orda anorakk og iglo er lånte frå kva for eit språk med namn etter ei øy?

9. Kva amerikansk videospelselskap er kjent for seriane Warcraft, Diablo, StarCraft og Overwatch?

10. Kva plantefamilie har ofte blad med mange stive hår, noko namnet indikerer? Han omfattar til dømes forgløymmegei og ormehovud.

11. Kva farge har Stratos-kua, som spreier «bobler av glede»?

12. Kva heiter vulkanen på Hawaii som er det høgaste fjellet på jorda dersom me reknar frå foten av fjellet? Av dei cirka 10.000 metrane ligg berre dei 4000 øvste over havet.

13. Kva for eit av dei tolv landa som grunnla Nato i 1949 vart medlem av EU så seint som i 1986?

14. Mange frå 13 til 33 år har BSU-konto. Kva står BSU for?

15. Ho gav ut diktsamlinga Seventh Heaven og fleire andre bøker før debutalbumet Horses kom i 1975. Kva rockemusikar er det?

16. Kva flyplass har IATA-koden SDN og tilnamnet Anda?

17. Kva er spesielt med ein vidgjeten person som ligg på senga lit de parade til offentleg hyllest?

18. Dette er ein godt kjend sjukdom som gjer det vanskelegare å puste utover. Det er fordi bronkiane i lungene har vorte betente. Sjukdommen er vanlegare hos barn enn hos vaksne.

19. Sverige er meir brutalt enn før. Ein profilert Expressen-journalist (fødd 1986) har vorte krimforfattar og fått solide kritikkar for relevante romanar om dette. Debuten var i 2017. Kva heiter han?

20. Kva samfunnsgruppe på t utgjorde rundt 20 prosent av innbyggjarane i Noreg fram til kristenretten i 1024? Gruppa forsvann i løpet av få generasjonar – det vart eit ideal å setje dei fri.

21. Filosofen Simone de Beauvoir sa at dette er noko du blir, ikkje noko du er fødd som. Kva då?