Dag og Tid-quizen 29. august 2025

1. Kva for ein idrettsmeisterskap vart vunnen av Katrine Aannestad Lund i 2017 og av kjærasten Rasmus Løberg i 2019 og 2025? Arrangørstadene var Førde, Evje og Kongsberg.

2. Kva heiter resultatet av ein multiplikasjon?

3. Det verdsleiande operahuset La Scala, opna i 1778, ligg i kva by?

4. Leo 14. er pave. Kva annan tittel har Bartolomeus 1., motstykket i Den ortodokse kyrkja?

5. Kva er det største kusjittiske språket ved sidan av oromo? Det har rundt 40.000 brukarar i Noreg. Greina er i den afroasiatiske språkfamilien. 

6. Rams opp Latvias fire naboland frå nord, med klokka.

7. Amandaprisen 2025 gav fine innblikk i fleire av dei mindre profilerte kategoriane. Kva for ein vann Jens Christian Fodstad for fjerde gong? Han har 25 års erfaring, til dømes frå Den 12. mann, Barn og trilogien Sex/Drømmer/Kjærlighet.

8. Kva er etternamnet til forfattarslekta som kan skilte med Eystein, sonen Arnljot og barnebarna Eystein, Jo og Torgrim?

9. Kva heiter korte strikkepinnar som er spisse i båe endane, med namn etter eit plagg?

10. Isbjørnen et primært kva selart? Det går òg med ein del storkobbe og grønlandssel.

11. Kva guddom har ordet onsdag namn etter?

12. Kva populært videospel frå 2017 er det best kjende til amerikanske Epic Games?

13. Bømlo-selskapet Stavland lagar kva for to ganske ulike produkt? Båe er å finne i små glas i daglegvarebutikken. 

14. Lund-kommisjonen konkluderte i 1996 med at mange nordmenn sidan krigen hadde vorte utsette for ulovleg … kva?

15. «Er du glad i meg ennå, Karl-Johan?» song Nora Brockstedt. Kva liknande tittel har den svenske originalen frå 1959, ein tidleg suksess for Lill-Babs?

16. Stilepoken rokokko var i store delar av kva for eit hundreår?

17. Kva for eit land mista nyleg to ministrar i ei helikopterulukke i Ashanti-regionen? I dei fulle namna Edward Kofi Omane Boamah og Ibrahim Murtala Muhammed ligg eit hint som kan føre tankane til FN.

18. Set inn rett energieining: Det trengst 1 (…) til å varme opp 1 gram vatn 1 grad celsius.

19. Kva heiter den andre hovudperioden i Romarrikets historie, om lag 509–27 før Kristus?

20. Kommunevåpenet til Frøya er skildra slik: «I blått tre sølv-angler i skrå rekke». Kva tyder angel?

21. Kva søramerikansk land er inne på topp 15 over verdas minst korrupte statar (Transparency International, 2024)? Det einaste andre på topp 50 er Chile.