Dag og Tid-quizen 16. august 2024

1. Før Kamala Harris vart senator og visepresident, jobba ho seg opp i rettsvesenet i heimstaten. Kva delstat er det?

2. Friidrett er kappgang, løp, hopp og kva fjerde type aktivitet?

3. Me trur «Mona Lisa» viser ei adelskvinne frå Firenze. Heitte ho Mona, Lisa eller Mona Lisa til fornamn?

4. Kva heiter den tjukke russiske øyrelapplua med namn etter eit russisk ord for «øyre»?

5. Kva avlang gjenstand med eit dyr i namnet skal hindre at til dømes sovande barn fell ned på golvet?

6. Fullfør sitatet frå komedien Lady Windermere’s Fan av Oscar Wilde: «I can resist anything except (…)».

7. Diktatoren Rafael Trujillo ville reinske Den dominikanske republikken for haitiarar. Kva kallar me dei tusenvis av drapa han gav ordre om i 1937? Namnet handlar om at soldatane skal ha skilt ut haitiarar på uttale.

8. Det er mest vanleg å lage spikrar av kva legering?

9. Blåveisen spreier frøa sine ved hjelp av kva slags dyr?

10. Set dei franske vindistrikta Burgund, Champagne og Rhônedalen i rekkjefølgje frå nord til sør.

11. Er Overlook Hotel i filmen The Shining eit badehotell, eit høgfjellshotell eller eit sjukehotell?

12. Kva for ein Gunnar heldt i 2001 ei tale der han sa: «Dere har ikke valgt den minste motstands vei. Men kjærligheten vant.»?

13. 22. juli 2024 vart den varmaste dagen på jorda nokosinne registrert. Kor høg var den globale gjennomsnittstemperaturen (i grader celsius)?

14. Kva for ei av Kanariøyane er – trass i namnet sitt – berre tredje størst i areal?

15. Kva bystat slost mot Romarriket i punarkrigane og vart jamna med jorda?

16. Nokon kjem til å kome er det første stykket Jon Fosse skreiv. Kva er derimot det første som vart sett opp? Det var på Den Nationale Scene i 1994. Unni Kristin Skagestad spelte kvinna som dagdrøymer om mannen i sitt liv.

17. Kven gjev namn til Ella-prisen, heidersprisen på Oslo Jazzfestival?

18. Kva av desse er eit felles leveår for dei engelske filosofane Thomas Hobbes og John Locke? Dei var sentrale i å utforme liberalismen.

19. Kva konstruert namn har det norsk-svenske «fredsriket» som vart skapt gjennom eit radioprogram i 1959 med Lennart Hyland og Randi Kolstad? Dette vesle grenseområdet søraust for Kongsvinger husar Fredsmonumentet med meir.

20. Kva hadde dinosauren Triceratops tre av, jamfør namnet?

21. I juli kunne Ole-Kristian Bryhn omsider innkassere kva «rojal» idrettstittel? Arrangørstaden i år var Steinkjer.