Dag og Tid-quizen 9. januar 2026

1. USA har gått inn og fjerna Nicolás Maduro frå kva stilling i kva land?

2. Kva retorikkomgrep på a tyder ei plutseleg og/eller høgtideleg tiltale, som regel til ein fråverande, tenkt eller avliden person? Eit døme frå Nobels fredsprisutdeling er då komitéleiar Jørgen Watne Frydnes vende seg til Maduro og baud han gå av.

3. Kva er eit anna namn på hjartansfryd? Matplanten duftar og smakar som ei sitrusfrukt.

4. Fører venene blodet frå hjartet eller til hjartet?

5. I kva folkeeventyr seier den siste av dei sju svoltne ungane «Å kjære, vakre, vene, gode, snille, søte deg»?

6. Kva «søt» plante med fem særs blå kronblad er i kommunevåpenet til Nord-Aurdal i Valdres?

7. Kva bygd i Nord-Aurdal har sin truleg største profil i langrennsløparen Inger Helene Nybråten?

8. Bråtebrenning er mest vanleg i kva årstid?

9. Kva for ein av Noregs fem nasjonale minoritetar er kjend for bråtebruk, også kalla svibruk?

10. Den religiøse minoriteten drusarar lever i hovudsak i kva for tre land?

11. I kva Disney-film (1950) har tittelpersonen stesystrene Anastasia og Drizella?

12. Fleire hevda å vere Anastasia Nikolajevna, trass i at 17-åringen og familien vart drepne ei julinatt i kva år?

13. «Nattevakta» (1642) er eit hovudverk av kva barokkmålar?

14. Kva ni timar langt tidsrom er definert som nattarbeid i arbeidsmiljølova?

15. Den fjerde nattevakt er gjennombrotsromanen til Johan Falkberget. Kva er yrket til Benjamin Sigismund, hovudpersonen som kjem til Røros?

16. Falkberget henta tittelen frå Bibelen. Kva for eit av Jesu mirakel skjedde «i den fjerde nattevakta»?

17. Kva kallar me «fotballmirakelet» der den polske målvakta Jerzy Dudek vart helten?

18. Marie Curie arbeidde i Paris, men var fødd og oppvaksen i kva polsk by?

19. Elva Seinen munnar ut i kva havområde, ein del av Atlanterhavet?

20. Kva musikal handlar om ein deformert parisar som er besett av den vakre sopranen Christine Daaé?

21. Christine Dancke er kunnskapsformidlar mest innan kva del av kulturfeltet?