Dag og Tid-quizen 13. september 2024

1. Kongehuset.no har rydda i omgrepsbruken. Dei to kategoriane er no «Kongehuset» og «Øvrige kongelige», på høvesvis fem og tre personar. Kven er dei tre sistnemnde?

2. Kva pengerelatert yrkesgruppe var lite velsett på Jesu tid og skal inn i dette omgrepet: «(…) og syndarar»?

3. Quinzee og iglo er båe bygningar laga av kva for eit materiale?

4. Kva heiter koloniføderasjonen (1895–1958) som omfatta mellom anna dagens Mali og Niger?

5. Kva er den bestemte artikkelen for inkjekjønn på tysk (i eintal, nominativ)? Eit døme er i tittelen på Karl Marx’ hovudverk frå 1867.

6. Kor mange mjølkekjertlar er det i kvart kvinnebryst? Me held oss til Store medisinske leksikon.

7. I kva sport har Tommy Urhaug paralympiske gull frå 2012 og 2024?

8. Kva for eit synonym på u har me for einstemmig, til dømes om korsong?

9. Britane Neil Innes og Carol Cleveland har båe vorte kalla den sjuande medlemmen i ...

10. Kva heiter familien som dei fleste reinsefiskane i norsk lakseoppdrett høyrer til? Tre viktige artar er bergnebb, berggylte og grøngylte.

11. Kven, som no er aktuell på både Nationaltheatret og Det Norske Teatret, er Heddaprisen oppkalla etter?

12. Dette landet er ikkje stort innanfor populærmusikk. Eit unntak er gruppa O-Zone og hiten «Dragostea Din Tei» frå 2003. Eit anna er saksofon-soloen til Sergej Stepanov i Eurovision i 2010.

13. Høgsterett vart høgtideleg opna og kom med den første avgjerda. Kva for eit oddetalsår var det?

14. Eitt og same stadion kan skilte med verdsrekordane på ni av dei ti vanlege distansane i hurtigløp på skøyter. Kva OL-by skal me til?

15. Ein fløværing kjem frå kva kommune?

16. Kva heiter det å helle vin over på ein annan behaldar, ofte for å kvitte seg med botnfall?

17. Dette museet ligg på området til Norsk Folkemuseum og vert drive av sistnemnde. Det held til i teglsteinsbygget Generalitetsgården og fortel historie tilbake til eit løyve i Bergen i 1595.

18. Kva slektning er Skrue McDuck for Ole, Dole og Doffen Duck?

19. Kva norsk selskap har drive med skipsklassifikasjon sidan starten i 1864 og er i dag verdsleiande på feltet?

20. Er vassfargane i ein akvarell gjennomsiktige eller ugjennomsiktige?

21. Kva heiter verdas tredje høgaste bygning? Han ligg i same verdsdel som dei to høgaste, men ikkje i same land. Han er 632 meter høg, er vridd og har namn etter ein by.