Dag og Tid-quizen 1. mars 2024

1. Det heiter ikkje trailer på Det Norske Teatret. Kva flott avløysarord nyttar dei?

2. Tittelpersonen i Kong Oidipus giftar seg med Iokaste. Kva slektning er ho?

3. Kva for eit bilmerke har sidan 1989 hatt ein logo med tre ovalar?

4. Kva er jurt, også kalla jurte eller ger, hos nomadiske folk i Sentral-Asia?

5. Kor mange sider har ein hendekagon eller undekagon?

6. Aleksej Navalnyj døydde nyleg i fengselet IK-3 i småbyen Kharp. Kvar i Russland er det?

7. Fleire viktige røyster i Russland har vorte drepne. Kva gravejournalist vart skoten heime i blokka si i Moskva 7. oktober 2006?

8. I kva norsk turistattraksjon, som ligg på øya Hessa, er pingvinane av arten humboldtpingvin?

9. Disippelbrørne Jakob og Johannes fekk kallenamnet Boanerges, som kanskje seier noko om temperamentet. Kva er det norske omgrepet?

10. Kven eller kva er det songaren Arja Saijonmaa – og chilenske Violeta Parra i originalen – «vill tacka»?

11. Skøyteløparen Oscar Mathisen vart verdsmeister allround fem gonger. Kva var det første året?

12. Kva retning i målarkunsten fekk namn etter eit bilete der tittelen tyder «Inntrykk av ein soloppgang»?

13. Kva er eit eldre namn på den giftige, fargelause og luktfrie gassen karbonmonoksid?

14. Kva film frå 1993 deler namn med merkedagen som karakteren til Bill Murray vaknar opp til kvar morgon?

15. Undersida av hatten hos ekte kantarell syner at arten ikkje er ein skivesopp, men ein ... kva?

16. Kva heiter verdas største våtmarksområde? Det ligg mest i Brasil, men òg i Bolivia og Paraguay.

17. Eit bilete frå USAs 200-årsjubileum viser dette jazzikonet, her med krøllete hår og skjegg, sigar og ikkje minst kontrabass. Kven er det, som døydde av hjarteinfarkt i Mexico tre år seinare?

18. Kva for eit metall tok ein ut heile 1350 tonn av på Kongsberg?

19. Kva sport har vore olympisk sidan 1984 og slepper til menn i leikane frå og med 2024? Det er berre i lagøvinga.

20. Kva energieining, mykje nytta i ernæring, svarar til cirka 4,2 joule?

21. Kva nordisk person fekk Nobels fredspris med denne grunngjevinga: «for den store innsatsen han har lagt ned på fleire kontinent og gjennom meir enn tre tiår for å løyse internasjonale konfliktar»?