Dag og Tid-quizen 30. august 2024

1. Erik Poppes nye film Quislings siste dager handlar mest om Vidkun Quisling og Peder Olsen. Ei sentral kjelde er dagboknotat av sistnemnde. Kva var yrket hans?

2. Kva slags sjokoladeprodukt er Kong Haakon og Gode Ønsker, båe frå Freia?

3. Grøn mamba er tre særs raske giftslangar i Afrika. Kvar lever dei stort sett: i vatn, i ørken eller oppe i tre?

4. Kva forfattar frå Odda (1878–1949) er det Store norske leksikon omtalar her: «Med hovudverket Løstølsfolket står ho som den store talskvinna for bondekonene i vår litteratur.» Ho heiter det same som ein NRK-journalist.

5. Kva for eit grunnstoff har atomsymbolet Au, etter det latinske namnet aurum?

6. Katrine Lunde er den einaste norske kvinna med tre gull i sommar-OL. I kva for eit år vann ho det første?

7. Kva evne vert òg kalla likviditet?

8. Kven stod brud i Nidarosdomen i 2002 og gjer det same i Geiranger 31. august?

9. Plosivar er språklydar me dannar ved å stengje luftstraumen heilt og deretter opne han brått. Bilabial tyder at leppene kjem i kontakt. Kva for to bokstavar i det norske alfabetet vert vanlegvis uttalte som bilabiale plosivar?

10. Kva song frå 1982, ei lovprising av amorøs «nedbør», er den største hiten til The Weather Girls?

11. Jemen og Oman ligg ytst på kva halvøy?

12. Ringnes AS vart grunnlagd av Axel Heiberg og brørne Amund og Ellef Ringnes. Kva er slektsforholdet mellom sistnemnde og Christian Ringnes (f. 1954)?

13. Pangea omfatta nesten all landmasse på jorda. Når eksisterte superkontinentet?

14. Kva slags keramikk har hovudingrediensane kaolin og feltspat og er kjend frå til dømes ein fabrikk i Porsgrunn?

15. I sommar forsvarte danske Viktor Axelsen OL-gullet sitt. Kva racketsport er det tale om?

16. Den franske botanikaren Jeanne Baret (1740–1807) var den første kvinna som… gjorde kva? Ho kledde seg ut som mann for ikkje å verte stansa, og ho fekk samla fleire tusen planter.

17. Kva for to motstykke er det ein har blanda i eit blanda kor?

18. Kva norsk fjell har ein langt mindre kjend namnebror i Bardu kommune i Troms? Det siste ragar 1506 meter over havet, nesten 800 meter lågare.

19. Kven av dei tolv disiplane «fikk på vannet gå da han så på Jesus», slik ein barnesong formulerer det?

20. Kva stort land vart omtala som «juvelen i krona» til Det britiske imperiet?

21. Kva for eit ord kan vere ein kroppsdel på eit dyr, ein type stikksag og ei planteslekt med fleire stoveplanter?