Dag og Tid-quizen 5. juli 2024

1. Kva stilling skal Nederlands avgåtte statsminister Mark Rutte ta over i oktober etter Jens Stoltenberg?

2. Kva for ein av dei to hovuddelane i Bibelen er bøker skrivne mellom rundt 50 og 100 etter Kristus?

3. Instrumentet balalaika har oftast kor mange strenger?

4. Kva heiter den kunstige innsjøen i Egypt og Sudan som vart danna med oppføringa av den nyaste av Aswandemningane? Han har namn etter den innverknadsrike egyptiske presidenten som døydde i 1970, året før demninga vart avduka.

5. Kva for eit av dei tre metalla knytte til pallplassar i sport er ei legering?

6. Kva er Niro, Optima, Sorento, Soul og Sportage døme på? Den sentrale delen av svaret tyder meir eller mindre «stige opp frå Asia».

7. Kva for ei Anna (1895–1982) hadde ein vidgjeten far i same fagfelt og kom sjølv med viktige arbeid om forsvarsmekanismar?

8. Kva norsk fylke går den nordlege polarsirkelen gjennom?

9. Er grevlingen ein herbivor, ein karnivor eller ein omnivor?

10. Kva heiter bonden frå Lillesand som i 1786–1787 leia det største norske bondeopprøret i dansketida? Han vart arrestert og døydde som fange på Akershus festning.

11. Både Chanel og Givenchy har vorte krediterte for kva slags kjole, der namnet indikerer storleik og farge?

12. Metallica var nett vore i Noreg. Kva heiter hardrockfestivalen på Ekebergsletta i Oslo der dei var toppnamnet i år?

13. Kva år i livet til Steffen Tangstad er dette: I april vann han tilbake europameistertittelen. I juni fylte han 27. I september vart han den første nordmannen i ein kamp om VM-tittel i tungvektsboksing, men tapte mot Michael Spinks og la opp.

14. Både Sokrates, Platon og Aristoteles budde lenge i kva bystat?

15. Norges Handikapforbund vart stifta i 1931 under kva namn? I dag ville dette fått raudt lys av NRKs ordliste for funksjonsmangfald. Me kan avsløre at namnet slutta på -lag, ikkje -forbund.

16. Kva sjanger er nobelprisvinnar Alice Munro kjend for, der ho er rekna som ein av verdas fremste forfattarar?

17. Nesten alle uruguayanarar snakkar kva for eit språk?

18. Kva produsent av til dømes bildelar, kvitevarer og elektroverktøy vart grunnlagd i Stuttgart i 1886 av ein Robert?

19. Dette ordet er i utgangspunktet innbyggjarnamnet til ein viktig by i gresk mytologi. I astronomien er det som oftast ein asteroide med same omløpstid som ein planet. Dessutan kan det vere ein type skadeleg dataprogram som gjev seg ut for å vere ufarleg.

20. Figuren Leatherface er sentral i ein av tidenes største skrekkfilmar. Kva er det han nyttar til å massakrere med i Texas, ifølgje tittelen?

21. Kva er heimlandet til WikiLeaks-grunnleggjar Julian Assange, som han no etter 14 år kunne reise tilbake til?